မီးစက်ဆို ဓာတ်ဆီလား ဒီဇယ်လား

မီးစက်တစ်လုံးတွင် အဓိကအစိတ်ပိုင်းသုံးခုပါဝင်သည်။
၁။လျပ်စစ်စွမ်းအားထုတ်ပေးသည့်ဒိုင်နမို Dynamo
၂။ထိုဒိုင်နမိုကိုလည်အောင်လှည့်ပေးသည့်အင်ဂျင် Engine
၃။လိုသလိုထိန်းချုပ်ရန်ခလုတ်များပါဝင်သည့်မီးခလုပ်ခုံControll Panel တို့ပါဝင်သည်။

မီးစက်၏သဘောတရားမှာ အင်ဂျင်လည်သည်၊၎င်းနှင့်တွဲထားသည့်ဒိုင်နမို Dynamo ပါလိုက်လည်သည်။
ဒိုင်နမို Dynamo လည်ခြင်းကြောင့်လျှပ်စစ်ဓာတ်အားထွက်သည်။
ထွက်ရှိသည့်လျှပ်စစ်အားကိုမီးခလုပ်ခုံ Control Panel Board သို့ပို့ပေးသည်။
မီးခလုပ်ခုံတွင် အင်ဂျင်အနှိုး/အရပ်၊ ချိန်ညှိခလုပ်များ၊ အခြေနေပြဒိုင်ခွက်များနှင့်မီးပလပ်ပေါက်များပါဝင်သည်။ ကြိုးဖြင့်အလိုရှိရာသွယ်ယူနိုင်ပါသည်။

ဒီဇယ်မီးစက်တွင်
၁လုံးထိုး၊ သုံးလုံးထိုးနှင့် လေးလုံးထိုးအင်ဂျင်များအပြင် လုပ်ငန်းသုံး 3 Phase မီးစက်ကြီးများအတွက် ပစ္စတင် ခြောက်လုံး၊ရှစ်လုံးထိုးများလည်းရှိသည်။ Dynamoမှ ထုတ်ပေးသောလျပ်စစ်စွမ်းအား Watt အလိုက်အင်္ဂျင်ပါဝါအကြီးအသေးကွာခြားမှုရှိသည်။ အသေးဆုံးဒီဇယ်မီးစက်တွင် 5KVAသည် အသေးဆုံးဖြစ်သည်။ 5KVAထက်လျော့သောစက်များရှိနိုင်သော်လည်း ထုတ်လုပ်တင်သွင်းမှုမရှိသလောက်ပင်။
အိမ်သုံး 5KVA မှစ၍ ကီလိုဝပ်များစွာထုတ်ပေးသည့် လုပ်ငန်းသုံး၊စက်ရုံသုံးမီးစက်များသည် ဒီဇယ်မီးစက်များဖြစ်သည်။ အင်ဂျင်၏သဘောတရားမှာ ပစ္စတင်တစ်လုံးထိုးနှင့် လေးလုံးထိုး ဆူညံသံထွက်မှုကွာသည်။မည်သည်ကပိုဆူမည်ထင်သနည်း။ ပစ္စတင်တစ်လုံးထိုးမှာ ဆီစားသက်သာသည်။သို့သော်အသံဆူသည်။
ဆူညံသံခံနိုင်သည့်ပါတ်ဝန်းကျင်တွင်သုံးရန်သင့်လျော်သည်။ သုံးလုံးထိုး၊လေးလုံးထိုးတို့မှာ ဆူညံမှုနည်းသည်။
မည်သည့်မီးစက်မဆို အသံလည်းထွက်မီးခိုးလည်းထွက်သည်ချည်း။ မီးစက်အသုံးပြုသူအနေဖြင့် အသံနှင့်မိးခိုးထွက်မှုတို့၏သက်သာရာနေရာကိုအဆင်ပြေစွာရွေးချယ်ထားရပါမည်။ ထို့ပြင် ဆီထည့်၊အင်ဂျင်ဝိုင်လဲ၊ပြုပြင်ထိန်းသိမ်းရေးလုပ်ငန်းအတွက်လည်း လူဝင်ထွက်နိုင်သွားလာနိုင်မည့်နေရာလည်းလိုအပ်သည်။ Heavy Duty အတွက် ဒီဇယ်မီးစက်သည်အထူးသင့်လျော်သည်။ ဒီဇယ်မီးစက်များတွင်ခလုပ်နှိပ်စက်နှိုးစနစ် Push Starting
ပါဝင်သည်။

ဓာတ်ဆီမီးစက်
၁လုံးထိုး၊နှစ်လုံးထိုး၊သုံးလုံးထိုးနှင့် လေးလုံးထိုးအင်ဂျင်သုံး မီးစက်များဖြစ်သည်။ အ‌ရေးပေါ်သုံး၊အလွယ်သုံး၊
ခရီးဆောင်သုံး၊အိမ်သုံးနှင့်အသေးစားလုပ်ငန်းသုံးတို့အပြင် လုပ်ငန်းသုံးမီးစက်ကြီးများမနိုးဘဲ ရုံးခန်း၊လမ်းမီးစသည့်
အစိတ်အပိုင်းအလိုက်သုံးရန်အတွက် ဓာတ်ဆီမီးစက်ကိုတွင်တွင်ကျယ်ကျယ်သုံးသည်။
အိတ်ဆောင်၊စားပွဲတင်အရွယ်မှစ၍ 10KVA/20KVA အထိဓာတ်ဆီမီးစက်များရှိသည်။၎င်းထက် KVA
များလျင်ဒီဇယ်မီးစက်များကပို၍အဆင်ပြေသည်။ ဓာတ်ဆီမီးစက်နှိုးရန်အတွက် ကြိုးဆွဲနှိုးနှင့် ခလုပ်နှိပ်နှိုး ဟူ၍
၂ မျိုးရှိသည်။ ဝယ်ယူရာတွင်ဤအချက်ကိုအထူးထည့်သွင်းစဉ်းစားရွေးချယ်ရမည်။
ဓာတ်ဆီမီးစက်သည် ပေါ့ပါးပြီးရွေ့ပြောင်းရလွယ်ကူသည်။အရေးပေါ် အခြေအနေအတွက်အထူးသင့်လျော်သည်။
ပြုပြင်ရလွယ်ကူသည်။အမြဲတမ်းအိမ်သုံးအတွက်ဆိုလျင် အသံနှင့်မီးခိုးညှော်နံ့တို့သက်သာသည့်နေရာတွင်ထားမှအဆင်ပြေမည်။
Heavy Duty ဝန်ဆွဲအားများသည့်လျပ်စစ်ပစ္စည်းများအတွက်မူကား ဓာတ်ဆီမီးစက်နှင့်အဆင်မပြေပေ။