အုတ်မျိုး စုံနှင့် ပြုလုပ်ပုံအဆင့်ဆင့်

၂။ ပုံသွင်းခြင်း

ရေဖြင့် သမအောင် နယ်ပြီးသော ရွှံ့စေးများကို လက်အားဖြင့်လည်းကောင်း၊ စက်အားဖြင့်လည်းကောင်း၊ ပုံသွင်းနိုင်လေသည်။ ရွှံ့စေးများကို ပုံသွင်းသောအခါ အုတ်ပုံသဏ္ဍာန်ဖြစ်အောင် ပြုလုပ်ရသည်။ Pugging mill မှ ရေဖြင့် သမအောင် နယ်ပြီးသော ရွှံ့စေးများကို လွန်ဖြင့် ပုံသွင်းသောစက် auger brick machine ထဲသို့ ထည့်ရ၏။ ယင်းစက်၏ ထွက်ပေါက် dieမှ လေးထောင့်ပုံသဏ္ဍာန် ရွှံ့စေးချောင်းသည် လွန်သွားများ လှည့်ထုတ်မှုကြောင့် အပြင်သို့ ထွက်လာသေသည်။ ထိုရွှံ့စေးချောင်းအား ဖြတ်စက် cutting machine သို့ သယ်ယူပို့ဆောင်၍ အုတ်ပုံသဏ္ဍာန် ကလေးများဖြစ်အောင် ထပ်မံ ဖြတ်ထုတ်ရ၏။

၃။ အခြောက်လှန်းခြင်း

အခြောက်လှန်းရခြင်း၏ ရည်ရွယ်ချက်မှာ ပျော့နေသာ အုတ်များကို ပုံသဏ္ဍာန် ပြောင်းလဲသွားခြင်း မဖြစ်စေရန်နှင့် မီးဖုတ်ရန် မီးဖိုထဲတွင် စီသောအခါ စီသောအခါ ပွန်းပဲ့ခြင်း မဖြစ်ပေါ်စေရန် ဖြစ်လေသည်။ ပုံသွင်းပြီးသောအုတ်များကို မြေတလင်းတွင်ဖြစ်စေ၊ အကာမပါသည့် တဲများတွင်ဖြစ်စေ၊ လေဝင်ထွက်သွားလာနိုင်စေရန် စနစ်တကျစီပြီး အခြောက်ခံထားရသည်။  နောက်တစ်နည်းမှာ  မီးဖုတ်ပြီးသော အုတ်များကို  အအေးခံထားသည့် အခန်းမှ အပူရှိန်ကို ပန်ကာဖြင့်စုတ်ယူ၍ ပုံသွင်းပြီးအုတ်များ စီထားသော အခန်းတွင်းသို့ပို့ပေးခြင်းဖြင့် ခြောက်သွေ့စေလေသည်။  မည်သည့်နည်းဖြင့် အခြောက်လှန်းသည်ဖြစ်စေ လျင်မြန်စွာ ခြောက်သွေ့စေပါက ကွေးကောက်ခြင်း၊ ကွဲအက်ခြင်းများ ဖြစ်ပေါ်တက်သဖြင့် သတိထားရမည်။

(ပုံသွင်းပြီး အခြောက်လှန်းထားသည့်အုတ်များ – ပုံတွင်ကြည့်ပါ)

၄။ မီးဖုတ်ခြင်း

အုတ်ပြုလုပ်ရာတွင် မီးဖုတ်ခြင်းသည် နောက်ဆုံးအဆင့်ဖြစ်၏။ မီးဖုတ်ရာတွင် အပူရှိန်ညီမျှစွာ ပေးမှသာကောင်းမွန်သော အုတ်ကို ရရှိနိုင်သည်။ အုတ်ဖုတ်ရန်လိုအပ်သော ပျမ်းမျှအပူချိန်မှာ သာမန်အုတ်များကို မြေအမျိုးအစားနှင့် ရေအချိုးအစားကိုလိုက်၍ 850°C မှ 1500°C အထိ အပူပေးရသည်။ အထူးမီးခံအုတ်များကို အပူပေးရာတွင် 1400°C မှ 1500°C အထိ အပူပေးရလေသည်။ မီးဖုတ်ရာ၌ နည်းအမျိုးမျိုးဖြင့် ဖုတ်နိုင်ပြီး အဓိကအားဖြင့် temporary kiln ခေါ် ယာယီမီးဖိုဖြင့် အုတ်ဖုတ်နည်းနှင့် Hoffmann ring kiln (Ring of Fire: Hoffmann Kiln) ခေါ် ခေတ်မီ မီးဖိုများဖြင့် အုတ်ဖုတ်နည်းစနစ်မျိုးကို အသုံးပြုလေ့ရှိသည်။

အခြောက်လှမ်းပြီးသော အုတ်များအား နေရာခွဲ၍ စီထားပြီးလျှင် အပြင်မှ အုတ်ကျိုးများ ရွှံ့သရွတ် mud plastering ဖြင့် မွန်းမံ ကာရံ ပြီး နောက် မိးဖို၏ အောက်ပိုင်းရှိ ပေါင်းကူးပုံ အပေါက်များမှ မီးသွေးများ ထည့်ကာ လောင်ကျွမ်းစေသောအခါ လေပူများသည် အတွင်းရှိ အုတ်များကို ဖြတ်၍ မီးခိုးခေါင်းတိုင်မှ ထွက်သွားလေသည်။

ဤကဲ့သို့ တစ်ပတ်ခန့် မီးဖုတ်ပြီးနောက်ရက် အနည်းငယ် အအေးခံ၍ အုတ်များကို ထုတ်ယူရန် ဖိုကို ဖျက်ပစ်ရလေသည်။ ယာယီမီးဖိုဖြင့် အုတ်ဖုတ်ခြင်းသည် တစ်ခါတစ်ရံ မီးလောင်းကျွမ်းမှု မညီမျှသဖြင့် ကောင်းမွန်သော အုတ်များကို ရရန် မလွယ်ကူချေ။ ထို့အပြင် တစ်ခါ မီးဖုတ်ပြီးတိုင်း ဖိုများကို ဖျက်ပစ်ရသောကြောင့် အလုပ်လုပ်ရာ၌ အချိန်ကြာမြင့်ပြီး ငွေကြေး ပိုမိုကုန်ကျနိုင်သည်။ ဤနည်းဖြင့် မီးဖုတ်ခြင်းကို clamp burning ဟူ၍လည်းခေါ်သည်။

၁။ ကောင်းမွန်သော အုတ်များသည် အပူရှိန်ညီ၍ ကောင်းစွာလောင်းကျွမ်းပြီး နီမြန်းသောအရောင်ရှိသည်။

၂။ အုတ်နှစ်ချပ်ကို ရိုက်ခတ်ကြည့်သောအခါ ကြည်လင်ပြတ်သားသော အသံပေါ်ထွက်လာခြင်း။

၃။ အုတ်ကို ရေတွင် ၁နာရီမှ ၂နာရီခန့် စိမ်ထားပါက အုတ်အလေးချိန်၏ ၆ပုံ ၁ပုံ မှ ၄ပုံ ၁ပုံ ရှိသောရေကို စုတ်ယူနိုင်ခြင်း။

၄။ အုတ်ကို ဖိနှိပ်ကြည့်ပါက တစ်စတုရန်းပေသည် တန်ချိန် ၅၀ အလေးခံနိုင်ခြင်း။

၅။ အုတ်တစ်ချပ်ကို ၂ပေခွဲ သို့မဟုတ် ၃ပေခန့်ရှိသော အမြင့်မှ မြေပြင်သို့ လွတ်ချကြည့်ပါက ကွဲအက်မှု မရှိခြင်း စသည်တို့ဖြစ်သည်။

#BM Editor