မြေထိန်းနံရံ နှင့် ရေနှုတ်မြောင်း စနစ်များ

ပုံ ၁။ တည်ဆောက်ဆဲမြေထိန်းနံရံ
အဆောက်အဦတစ်ခုတည်ဆောက်ရန်အတွက် ရှေးဦးစွာ နေရာတိုင်းတာသတ်မှတ်ခြင်း။ ထိုသို့နေရာနေရာသတ်မှတ်ရာတွင် မြေပုံနှင့် မြေမျက်နှာပြင် မိုးရေချိန် စသည့်အချက်လက်များပေါ်မူတည်၍ အဆောက်ဦပြင်ပနှင့်ဆက်သွယ်ပေါင်းစပ်မည့် လျှပ်စစ်မီး၊ ဆက်သွယ်ရေးစနစ်၊ ရေပိုက်လိုင်း၊ ဓါတ်ငွေ့ပိုက်လိုင်းနှင့်  ရေနုတ်မြောင်းပုံစံ  များကိုတွက်ချက်၍ပုံစံထုတ်ရသည်။ ယခုဆောက်လုပ်မည့်အဆောက်အဦ နှင့်ပြင်ပပတ်ဝန်းကျင်တို့ လိုက်လျောညီထွေပေါင်းစည်းနိုင်ရေးအတွက်ဖြစ်သည်။ ဆိုလိုသည်မှာအဆောက်အဦသစ်သည် လူ တိရစ္ဆာန် ယာဉ် တို့ ရေ မီးသုံးစွဲမှုနှင့် စွန့်ထုတ်မှု၊ လက်လွှတ်ဆုံးရှုံးမှု၊ ပါတ်ဝန်းကျင်ထိခိုက်မှု တို့ ပြင်ပပတ်ဝန်းကျင်နှင့် လိုက်လျောညီထွေပေါင်းစပ်နိုင်ရေးအတွက် ရေးဆွဲသည့် ဒီဇိုင်းဖြစ်သည်။  Drainage Design ဟုခေါ်သည်။ လချီ၊ နှစ်ချီ၍ အချက်လက် နှင့်စစ်တမ်း Data collect & Analysis ကောက်ယူရသည်။ 

           ပုံ ၂။ မြေထိန်းရေစစ်မြောင်း
ကန်အဆောက်ဦသစ်မှ ရေကိုအနီးရှိမူလရေမြောင်းသို့ထုတ်လွှတ်လျင် ပုံမှန်အားဖြင့် ရေထုထည်များလာမည်၊ ရေစီးနှေးကွေးမည်၊ ရေဝပ်ရေလျံမည်။ ထိုအတွက်‌ အဆောက်အဦသစ်၏ လက်ရှိ လူ၊ ယာဉ်၊ တိရစ္ဆာန်နှင့် နောင် ၁၀နှစ်၊ နှစ်၂၀ နှစ်၃၀ ခန့်မှန်းအခြေနေ၊ ထိုဒေသတဝိုက်လူနေမှုအခြေနေ၊ ကွန်တို၊ မိုးရေချိန်၊ ဆိုက်ဆာဗေး၊ ရေမြောင်းအရှည်၊ ရေစီးနှုန်းတို့ ပေါ်အခြေခံတွက်ချက်ပုံစံထုတ်ရသည်။ Drainage Design အတွက် အကြမ်းဖျင်းသာဖေါ်ပြထားသည်။ အသေးစိတ်ကိုမူ အခြေအနေမတူသဖြင့် မဖေါ်ပြတော့ပါ။
    ဥပမာ –  သီလဝါ အထူးစီးပွားရေဇုံအတွက်
 (၁)ထွက်လာသည့်ရေဆိုးများကို ရေစစ်ရေကန်များဖြင့် အဆင့်ဆင့်စစ်ထုတ်သန့်စင်ပြီး  နောက်ဆုံးရေစစ်ကန်တွင် ဖား ငါးသတ္တဝါများမွေးထားပြီးအသက်ရှင်စေသည်။ သုံးရေအဆင့်သို့ရောက်ပြီးမှသာပြင်ပချောင်းမြောင်းများသို့ပို့လွှတ်သည်။
 (၂ ) စက်မှုဇုံအခြားတဘက်ကပ်လျက်ရှိ ဆည်မှ မြေပြိုမှု၊ ရေယိုစိမ့်မှုတို့ကိုကာကွယ်ရန်အတွက်  လည်း Retaining Wall ခေါ်မြေထိန်းနံရံတည်ဆောက် ကာကွယ်ရပါသည်။

ပုံ ၃။ မြေထိန်းရေနုတ်မြောင်း
ဇုံတခုလုံးအတွင်း ‌ရေစီးရေလာကောင်းရန်၊ ရေဆိုးများသန့်ရန်၊  ပင်လယ်ဒီရေတက်သည့်အ‌ခြေနေ ၊ သဘာဝပတ်ဝန်းကျင်ထိခိုက်မှုနည်းနိုင်သမျှနည်းစေရန်အတွက် Drainage Design ကိုအပြည့်စုံဆုံးအသေးစိတ် ရေးဆွဲပြုစုရပါသည်။
ဆိုလိုသည်မှာ သီလဝါဇုံတစ်ခုတည်းအတွက် အနီးရှိ သီလဝါ၊ကျောက်တန်း၊ပါဒကြီး၊ လက်ယက်စမ်း၊ သန်လျင် ဒေသများနှင့် မှော်ဝန်းချောင်း၊ ပဲခူးမြစ်၊ ဇာမဏီ၊ ဘန့်ဘွေးကဲ့သို့ဆည်၊ ကန်များ  စသည့် အရပ်ရပ်အခြေနေအလုံးစုံကို ထည့်သွင်းတွက်ချက် သုံးသပ်၍ပုံစံထုတ်ရခြင်းဖြစ်သည်။ သန်လျင်-သီလဝါ လမ်းမကြီး၏ Drainage Design တွင် ဆက်သွယ်ရေးကြိုး၊ လျှပ်စစ်မီးကြိုး၊ ရေလိုင်းမီးလိုင်းများပါ ထည့်သွင်းရေးဆွဲထားသည်။ ရေမြောင်းထဲတွင် ပိုက်လိုင်းများနှင့် ကြိုးလိုင်းများကို ကျကျနနထည့်သွင်းထားခြင်းဖြစ်သည်။

ပုံ ၄။ တန်ဘိုးနည်းမြေထိန်းနံရံ
မြေထိန်းနံရံများအကြောင်းလည်းမဖြစ်မနေ ထည့်သွင်းရမည်။ မြေထိန်းနံရံများသည် တောင်ခွင်း၊ တောင်ပတ်၊ တောင်ဖေါက်လမ်းများတွင် တောင်ပြိုမြေပြိုခြင်း။ ရေမြောင်း၊ ရေချောင်းများတွင် ရေစွယ်ထိုးခြင်း၊ ကမ်းပြိုခြင်း၊ တောင်ပြို၊မြေပြို မဖြစ်ရန် မြေထိန်းနံရံများတည်ဆောက်ရသည်။ ထိုအတွက်လည်း တည်နေရာ မြေမျက်နှာပြင် ရာသီဥတု မိုးရေချိန်များ ထည့်သွင်းတွက်ချက်ပုံစံထုတ်ရသည်။ ကွန်တိုကဏ္ဍမှာ အဓိကအခန်းမှပါဝင်သည်။
Engineering  & Design လုပ်ငန်းများ ပေါ်မူတည်၍ အဆောက်အဦများ၊ ဆည်မြောင်း တာတမံရေကာတာများ၊ မြို့သစ်၊ ရွာသစ်၊ စက်မှုဇုန်သစ်များနှင့် အိုးအိမ်များ တည်ဆောက်သည်။ တည်ဆောက်ရေးလုပ်ငန်းအသစ်တစ်ခုအတွက် အဆောက်အဦ Design  သည်လည်းအရေကြီးသကဲ့သို့ Foundation Design, Drainage Design, Retaining Wall Design များသည် လူ့ပတ်ဝန်းကျင်နှင့်သဘာဝပါတ်ဝန်းကျင် ထိခိုက်မှုနည်းနိုင်သမျှနည်းစေရန် ၊ အဆင်ပြေချောမွေ့စေရန်အတွက် အလွန်ပင်အလေးဂရုပြုရမည့် Engineering & Design လုပ်ငန်းများဖြစ်ပါတော့သည်။