အမိုးခုံးများနှင့် တည်ဆောက်ရေးသော့ချက်များ
( ပုံ - ပင်းယခေတ် ဂူဘုရားတဆူ မြစ်ငယ်မြို့ )
ခြံတံခါး၊ ဝင်းတံခါး၊ အိမ်တံခါး၊ ဘာသာရေးအဆောက်အဦများ၊ အထိမ်းအမှတ်အဆောက်အဦများ၊ စေတီပုထိုးများနှင့် သာသနိကအဆောက်အဦများ၏ ဝင်ထွက်ပေါက်များ၊ ပြူတင်းများကို အခုံးများဖြင့်အများဆုံးပြုလုပ်ကြသည်။ မြင်တွေ့ရသည်မှာလည်းဆန်းကျယ်သည်။ ဆွဲဆောင်မှုလည်းရှိသည်။ အမိုးခုံးများဖြင့်လည်းအဆန်းတကျယ် တန်ဆာဆင်ထားကြသည်များကို တွေ့မြင်ကြပေလိမ့်မည်။ ကမ္ဘာ့အနှံ့အပြားရှိထင်ရှားသည့်အဆောက်အဦများ၏ အမိုးခုံး၊ ပြူတင်းခုံး၊ တံခါးခုံးနှင့် လျောက်လမ်းခုံးများ ဆောက်လုပ်ထားသည်များကိုအံ့ဩ ဘနန်းတွေ့မြင်ဖူးကြပေလိမ့်မည်။
အခုံးများတည်ဆောက်ရာတွင် ထည့်သွင်းတွက်ချက်ရမည့် အဓိကသော့ချက်များကို တင်ပြပေးလိုက်ပါသည်။
၁။ အောက်ခံမြေသား (သို့မဟုတ်) Foundation
Foundation သည်အထူးကောင်းမွန်တည်ငြိမ်ရန်လိုအပ်ပါသည်။ တဘက်တချက်ရေပြင်ညီရမည်။
ထောက်တိုင် (Pilar) ပေါ်တွင် ကြားခံ(Impost)နှင့်အခုံး၏စမှတ်မျဉ်း(Springing Line) ပေါ်တွင် အခုံးစမှတ်ကျောက်(Springing Stone) တို့ရေပြင်ညီကျရမည်။
Springing Line center မှ 90° အခုံး၏အပေါ်ဆုံးတည့်တည့်တွင် Key Stone ထည့်သွင်းရန်။ ထို Key Stone မှ အောက်ဖက် Impost မှတ် ကြားတဝက်တွင် Soffit အမှတ်ရှိပါသည်။ ဆိုလိုသည်မှာ ယခုဖေါ်ပြပြီးအမှတ်နေရာများကို အထူးဂရုစိုက်ထည့်သွင်းရမည်။ ဤကားတည်ဆောက်ပုံတည်း။
(ပုံစာ Coloum = Column)
( ပုံ - ချောင်းကူးတံတား ယူနန်ပြည်နယ်)
၂။ Formworks ပုံစံခွက်တည်ဆောက်ပုံ
Formworks အတွက်လည်းအထူးဂရုစိုက်ရန်လိုသည်။ ဗဟိုချက်မှ အဖက်ဖက်သို့ မျှချေထည့်တွက်၍တည်ဆောက်ရမည်ဖြစ်ပြီး ဒီဇိုင်းဟူ၍သီးသန့်မရှိပါ။ လူ၊ပစ္စည်း အဝင်အထွက် အနိမ့် အမြင့် အလေးချိန်ကို ချိန်ဆ၍သာတည်ဆောက်ကြပါသည်။
ဥပမာအားဖြင့် အခုံးစမှတ်မျည်း၏ အလယ်မှတ်မှ Key Stone သို့ 90° နှင့် ကြားတဝက် ဝန်ထမ်း Soffit Point သို့ 30° (Point of ½ Springing Line & 90° to Key Stone.) (30° to Soffit Point.) စသည်ဖြင့်ယူကြပါသည်။ ပုံတွင်ကြည့်ပါကပို၍ရှင်းပါလိမ့်မည်။
(အခုံးနှင့် တည်ဆောက်မှုပုံစံများ)
၃။ တည်ဆောက်မည့်ပစ္စည်းရွေးချယ်ခြင်းနှင့် ပုံသွင်းခြင်း
သစ်၊ အုတ်၊ ကျောက်ကြိုက်ရာနှင့်ဆောက်နိုင်သည်။ အလျားဘက်မှမျက်နှာပြင် ၁ ဘက်ကို အနည်းငယ်ရှူးထားသည်။ အနံနှင့် အမြင့်ဖက်တွင်လည်းအနည်းငယ် ရှူးထားသည်များလည်းရှိသည်။ ထို့ကြောင့်အခုံးအတွင်းအံဝင်ခွင်ကျဖြစ်စေသည်။ အုတ်ဖုတ်ရာတွင်လည်းအထူးပုံစံခွက်များဖြင့်ထုတ်လုပ်ကြရသည်။ အုတ်တလုံးတွင်
အလျား ၉” အနံ ၂လက်မခွဲ အမြင့် ၄ လက်မ သည် အုတ်တစ်လုံး၏ အကြမ်းဖျင်းအတိုင်းတာဖြစ်သည်။ အုတ်တလွှားတွင် နံရံ အခုံးအထူ ၉”။ တလွှားဝက် ၁၃”။ နှစ်လွှား ၁၈”။ နှစ်လွှားခွဲ ၂၁” စသည်ဖြင့် လိုသလို ပြုလုပ်နိင်ပါသည်။ အခုံးများကို ဖေါ်ပြပါနည်းအတိုင်း ပုံစံ ဒီဇိုင်းမျိုးစုံလုပ်ဆောင်နိုင်ပါကြောင်း ဗဟုသုတ အနေဖြင့်တင်ပြအပ်ပါသည်။
Builder Mall
