မီးဖိုဆောင်မှာ အံဝင်ခွင်ကျပစ္စည်းထားမယ်

ပုံ ၁။ လက်ဆေးခွက်ထည့်သွင်းထားပုံ

နေရာအကျယ်အဝန်းအလိုက် မီးဖိုခန်း၊ထမင်းစားခန်း၊ရေချိုးခန်း၊အိမ်သာခန်းတို့ကို အဆောင်ဆောင် အခန်းခန်းထုတ်၍ လုပ်ဆောင်ကြသည်။ နေရာအသင့်သာပေးနိုင်သည့် အိမ်ခန်းများတွင်မူကား မီးဖိုခန်း၊ ထမင်းစားခန်း၊ ရေချိုးခန်း၊ အိမ်သာခန်းတို့ကို တပူးတပေါင်းတည်းတွဲလျက် ထည့်သွင်းကြသည်။
ပုံတွင် မီးဖိုခန်း/ထမင်းစားခန်းတွင် လက်ဆေးခွက်ထားသိုပုံကိုဖေါ်ပြထားသည်။ လူတို့၏ပျမ်းမျှအရပ် ၅ပေဝန်းကျင် ခန့်နှင့်တွက်ထားသည်။ နံရံတွင်အခြေမှလက်ဆေးခွက်အထိ ထားရမည့် အမြင့်၊ ပစ္စည်းထားစင်အမြင့်တို့ကိုဖေါ်ပြထားပါသည်။

ပုံ။၂ မျက်နှာဖုံးပုံ၏ Drawing

၅ပေခွဲ ၁၀ပေ အမြင့်၇ ပေရှိ မီးဖိုခန်း၏အပြင်အဆင်ဖြစ်ပါသည်။နေရာချထားပြီးပုံချောမှာ မျက်နှာဖုံးပုံဖြစ်သည်။ ခေတ်မီအသုံးအဆောင်များနှင့် ပရိဘောဂမှာမှန်၊ အလူမီနီယမ် များအသုံးပြုထားသည်။ နေရာကျယ်ဝန်းသဖြင့် ထမင်းစားခန်းကိုသီးသန့်ခွဲထုတ်ထားသည် ကိုပုံတွင်တွေ့ရမည်။ ထည့်သွင်းထားသည့်ညှော်စုပ်စက်မှာခေတ်မီပြီးတန်ဖိုးကြီးသည်။ ကာလကြာရှည်သော်လည်းဆီချေးမတက်သည့်အမျိုးအစားဖြစ်သည်။

ကြွေပြားခင်း၊ကြွေပြားကာအဆင်အပြင်ဖြစ်သည်။ ပုံမှအချိုးအစားများကို မီလီမီတာဖြင့်ဖေါ်ပြထားသည်။

ပုံ။ ၃ ၅ပေခွဲ ၇ပေခွဲ Drawing

၅ပေခွဲ ၇ပေခွဲ အမြင့် ၇ ပေမီးဖိုခန်းဖြစ်သည်။ ပုံ ၂ ကဲ့သို့မကျယ်ဝန်းပေ။ မီးဖိုခန်း၊ ထမင်းစားခန်း၊ ရေချိုးခန်း၊ အိမ်သာခန်း အခန်းလေးခန်းကို တခန်းတည်းဖြစ်အောင်ပေါင်း၍ထည့်သွင်းရသည်ဖြစ်ရာအတော်ပင်ခက်ခဲပေသည်။ လက်တွေ့တွင်ရေလိုင်းမီးလိုင်းအခက်ခဲကြောင့် ရေပိုက်ခေါင်းနေရာပြောင်းထားသည်။ ကုန်ကျစရိတ် သက်သာသည့် အလူမီနီယမ်၊ ကွန်ပို့စစ်၊ gypsum board တို့ကိုသုံးထားသည်။ Drawing နှင့် လက်တွေ့ပုံကိုယှဉ်တွဲကြည့်ပါ။

ပုံ။၄ Drawing အတိုင်းနေရာချထားပြီးသောပုံ

မီးဖိုခန်းတွင် မီးဖို၊ အိုးခွက်ပန်းကန်များ၊ ရေဆေးကန်၊ ရေခဲသေတ္တာနှင့် ချက်ပြုတ်ရန်ပစ္စည်းအစုံ။
ထမင်းစားခန်းတွင် စားပွဲ ကုလားထိုင်၊ ရေအိုးစင်၊ အသုံးအဆောင်ပစ္စည်းများ။
ရေချိုးခန်း၌ မူကားရေအိုး၊ရေဇလုံ၊ ရေတိုင်ကီ၊ ရေပန်း၊ ရေဆင်းပေါက်၊ ဘုံပိုင်ခေါင်း၊
အိမ်သာခန်းတွင် ရေအိုး၊ ရေခွက်၊ အိမ်သာအိုး၊ ရေပိုက်ခေါင်းများ အစရှိသည့် ၄ ခန်းစာပစ္စည်းများကို  အခန်းတစ်ခုတွင် အချိုးပြေပြေထည့်သွင်းနိုင်မည်။ ထို့ပြင် လူတို့၏အရပ်အမောင်းနှင့်ကိုက်ညီမည့် အချိုးအစားများကိုထည့်သွင်းဖေါ်ပြပေးထားပါသည်။
မီးဖိုဆောင်တွင် အသုံးအဆောင်ပစ္စည်းများကို အံဝင်ခွင်ကျ ထည့်သွင်းနိုင်စေရန် အတိုင်းအတာများကို ပုံနှင့်တကွတင်ပြပေးပါသည်။