ကမ္ဘာ့ဆေးလိပ်ကင်းစင်နေ့

အနာဂါတ်တွင် တိုင်းပြည်တာဝန်အသီးသီးကိုလက်ဆင့်ကမ်းတာဝန်ယူရမည့် မျိုးဆက်သစ်တို့၏ကျန်းမာရေးကိုအထူးပင်ဆိုးရွားစေသည်။ ထို့ကြောင့် ကမ္ဘာ့ဆေးလိပ်မသောက်ရေးနေ့ကို နှစ်စဉ်မေလ ၃၁ ရက်နေ့တွင်ကျင်းပပြီး ဆေးလိပ်နှင့် ဆေးရွက်ကြီးတို့ကိုလုံးဝသုံးစွဲခြင်းမပြုကြရန် ပညာပေးလှုံ့ဆော်သည်။ ဆေးလိပ်နှင့် ဆေးရွက်ကြီးတို့၏ အန္တရာယ်နှင့် ဆက်စပ်အန္တရာယ်များ ဆေးလိပ်နှင့်ဆေးရွက်ကြီးကုမ္ပဏီတို့၏ လုပ်ငန်းစဉ်များ စသည်တို့နှင့် ကျန်းမာရေးအတွက်ဆိုးကျိုးများ၊ နီကိုတင်းဓာတ်အကြောင်း ကို အများပြည်သူတို့သိရှိ၍ ရှောင်ကျဉ်နိုင်ရန် အသိပညာပေးခြင်းဖြစ်ပါသည်။ ကမ္ဘာတဝှမ်းလုံးရှိလုပ်သားပြည်သူများ၊ လူငယ်များ၊ အစိုးရအဖွဲ့အစည်းများ၊ ပြည်သူ့ကျန်းမာရေးအဖွဲ့အစည်းများကအတူတကွပူးပေါင်းပါဝင်ပြီး အချင်းချင်းလက်ဆင့်ကမ်းပျံ့နှံ့စေရေးဆောင်ရွက်ကြသည်။ ဆေးလိပ်သောက်သုံးသူများ၊ ဆေးရွက်ကြီးစိုက်ပျိုးသူများနှင့် ဆေးရွက်ကြီးလုပ်ငန်းလုပ်ကိုင်သူများနှင့် ကမ္ဘာသူကမ္ဘာသားအားလုံး ကျန်းမာရေးနှင့် ကျန်းမာစွာနေထိုင်နိုင်ရန် ဗဟုသုတများဖြန့်ဝေသည့်နေ့ထူးနေ့မြတ်ကြီးလည်းဖြစ်သည်။