အင်ဗာတာအကြောင်းသိသင့်ဖွယ်ရာ

Inverter Knowledge
Inverter အမျိုးအစားပေါင်း မြောက်များစွာအနက် မိမိအသုံးပြုမည့်အခြေနေကိုမူတည်၍ ကိုက်ညီသည့်အမျိုးအစားကို ရွေးချယ်ဝယ်ယူတပ်ဆင် နိုင်ရန်အတွက် တင်ပြလိုက်ပါသည်။
(၁)မီးထွန်းရန်
(၂)မီးထွန်း၊ ကွန်ပြူတာ လက်တေ့ာ သုံးရန်
(၃)မီးထွန်း၊ပန်ကာ၊ ကွန်ပြူတာ လက်တေ့ာ ပရင့်တာစသည့်ရုံးလုပ်ငန်းသုံးရန်။
(၄)ရေတင်၊လေအေးစက်၊အဝတ်လျော် သုံးရန်
(၅)စက်မှုလုပ်ငန်းသုံး စသဖြင့်အခြေနေအရပ်ရပ်ကိုမူတည်ပြီး လိုက်လျောညီထွေဖြစ်မည့် အင်ဗာတာကိုသုံးရပါမည်။
အင်ဗာတာတွင် wave အမျိုးအစား (၃)မျိုးရှိပါသည်။

(က) square wave အမျိုးအစားကတော့ ဈေးသက်သာ၍လွန်ခဲ့သောနှစ် ၂၀ခန့်က မီးပြတ်လျင် အသုံးများကြတဲ့ ပြည်တွင်းထုတ်နဲ့ တရုတ် အင်ဗာတာ အများစုဖြစ်သည်။
အခုလက်ရှိ ပြည်တွင်းထုတ်တွေမှာလဲ အများဆုံးတွေ့ရပါတယ်။ သာမန်မီးထွန်းရုံလောက်သာ သင့်တော်ပြီး တန်ဖိုးကြီး လျှပ်စစ်ပစ္စည်းတွေ Laptop တွေ နဲ့ မသင့်တော်ပါဘူး။
ပန်ကာ air cooler လုံးဝသုံးမရပါဘူးဖုန်းအားသွင်းရင်လည်း adapter တွေမှာ ပိုပူပြီး သက်တမ်းကျဆင်းပါတယ်။
ဟိုးအရင်ကတော့ သူ့ထက်ကောင်းတာတွေမရှိခဲ့တော့ အသုံးဝင်ပေမယ့် ခုချိန်မှာတော့ သူ့ထက်ပိုကောင်းတာတွေကိုပဲ ရွေးချယ်စေချင်ပါတယ်။
(ခ) Modified sine wave ( step sine wave , simulated sine wave) သူကတော့ ခုနပြောတဲ့ square ထက်တဆင့်မြင့်ပါတယ်။
လျပ်စစ်မီးနဲ့ တူအောင် ကြိုးစားထားတာမျိုးပါ။ ဒါပေမယ့် တထပ်ထဲ မဖြစ်သေးပါဘူး။ ပုံမှန် Desktop computer တွေ၊ TV တွေ သုံးလို့ရလာပါတယ်။

Laptop တချို့လဲ အလုပ်လုပ်ပါတယ်။ ဒါပေမယ့်laptop model အမြင့်တချို့နဲ့တော့ မရပါဘူး။
သူ့ရဲ့ အားနည်းချက်က ပန်ကာ, air cooler, motor တွေ မောင်းလို့မရတာပါပဲ။
(ဂ) Pure Sine wave ဒီအမျိုးအစားကတော့ inverter ထဲမှာ လူကြိုက်အများဆုံးပါပဲ။ လျပ်စစ် မီးနဲ့ တပုံစံထဲ မို့လို့ air con အထိ သုံးလို့ရပြီး လျှပ်စစ်ပစ္စည်းမျိုးစုံသုံးနိုင်ပါတယ်။
မော်တာတွေ ပန်ကာတွေ air cooler တွေ အကုန်ဖွင့်လို့ရပါတယ်။ ဒီအမျိုးအစားမှာတင် ၂ မျိုးထပ်ကွဲ ပါသေးတယ်။

Low frequency နဲ့ High frequency ပါ။
low frequency က ရေမော်တာတွေ aircon တွေအတွက် ပိုသင့်တော်ပြီး inverter သတ်မှတ်ထားတဲ့ ဝပ်ရဲ့ ၃ ဆ အထိ စက္ကန့်ပိုင်းလောက် ပိုဆွဲနိုင်ပါတယ်။
3000W အထက်ဆိုရင်တော့ low frequency သာ ဝယ်ပါ။ Hi frequency ကတော့ သတ်မှတ်ထားတာရဲ့ ၂ ဆလောက်ထိ ခနတာရပေမယ့် ရေရှည်မကောင်းပါဘူး။