အသုံးတဲ့မည့် အင်ဗာတာကို ဘယ်လိုရွေးချယ်ရမလဲ(၁)

• အင်ဗာတာ ဗဟုသုတအတွက် ယခုဆက်လက်၍ မိမိတို့နှင့်တကယ်အသုံးတဲ့မည့်အင်ဗာတာကို
  မှန်မှန်ကန်ကန်ရွေးချယ်တတ်စေရန် မျှဝေပါသည်။
• ဆိုလာအင်ဗာတာ နှင့် လျှပ်စစ်အင်ဗာတာ‌ရွေးချယ်ခြင်း
• ဆိုလာအင်ဗာတာ တပ်မည်ဆိုလျင်
  ၁။ ဆိုလာပြား၊ ၂။ ဒီစီမီးကြိုး၊ ၃။ ကွန်ထရိုလာ၊ ၄။ ဘက်ထရီ၊ ၅။ အင်ဗာတာ အဓိကပစ္စည်း(၅)မျိုးပါသည်။
  ၁ ။ ဆိုလာသည်နေ‌ရောင်ခြည်ကောင်းစွာရ ရမည်။ ဆိုလာပြားထားရန်နေရာရှိရမည်။ ခြံဝင်း၊ခေါင်မိုးတို့တွင်ထားနိုင်သည်။
  ၂ ။ ဆိုလာမှ ကွန်ထရိုလာဘုတ်သို့သွယ်ထားသည့်ကြိုးမှာ သင့်တင့်သောအကွာဝေး(Max: 30 Meter)ရှိရမည်။
  တိုက်ရိုက်လျပ်စီးကြောင်း(Direct Current) ဖြစ်၍ဝေးလျင်လမ်းတွင်ဓါတ်အားဆုံးရှံးသည်။
  ကြိုးသည် ဆိုလာသုံး 2 coat, DC ကြိုးဖြစ်ရမည်။ သုံးစွဲမှုအလိုက်မှန်ကန်သည့်ဆိုက်ကိုရွေးရမည်။

၃ ။ ကွန်ထရိုလာသည် ဆိုလာနှင့်ဘက်ထရီကြား‌ဗို့အားချိန်ညှိပေးသည့်ကိရိယာဖြစ်သည်။ဘက်ထရီအားပြည့်လျင်ဖြတ်ပေးသည်။
နေထွက်နေဝင်၊တိမ်တိုက် တို့ကြောင့်ဆိုလာဗို့ထွက်နှင့် ဘက်ထရီလက်ခံနိုင်အားကိုထိန်းပေးခြင်းဖြစ်သည်။
ရိုးရိုး PWM နှင့် Maximum Power Point Tracking MPPT တို့ဖြစ်သည်။
ဖေါ်ပြပါအချက်များမှ တစ်ချက်မကိုက်ညီလျင် ဆိုလာအင်ဗာတာတပ်ဆင်၍မရပေ။ ဆိုလာပြားထားရန်နေရာမရှိ၊
အလင်းလည်းမရ၊ ရှိပြန်လည်း အထပ်မြင့်များအတွက် ကြိုးကဝေးကွာလွန်း၊ ဤသို့လျင်ဆိုလာအင်ဗာတာတပ်ဆင်၍မရ၊
လျှပ်စစ်မီး အချိန်ပိုင်း ရသည့်နေရာတွင် လျှပ်စစ်အင်ဗာတာကိုတပ်ဆင်အသုံးပြုနိုင်သည်။
ယခင်က လျှပ်စစ်အင်ဗာတာတပ်ဆင်ထားသူများလည်း ဆိုလာအင်ဗာတာပြောင်းလဲတပ်ဆင်လိုပါက ဆိုလာပြား၊ ဒီစီမီးကြိုး၊ ကွန်ထရိုလာထပ်မံထည့်ရမည်။

၄ ။ ဘက်ထရီမှာ အဓိကအကျဆုံးဖြစ်သည်။သိုလှောင်ထားသောလျှပ်စစ်ကိုပြန်ထုတ်ပေးခြင်းဖြစ်သည်။ တစ်ချီကောင်းဆွဲထုတ်ပေးသည့် ကားအိုးမဟုတ်ရပါ။
လျှပ်စစ်ကို မျှဉ်း၍ကြာရှည်ထုတ်ပေးသည့် Deep Cycle ဆိုလာအိုးဖြစ်ရမည်။သုံးစွဲမှုနှင့် ငွေကိုလိုက်၍ ချိန်ဆဝယ်ယူရမည်။
လစ်သီယမ်၊ ဂျယ်လီ၊ Lead Acid ,Tubular စသည်ဖြင့်ရှိသည်။
၅ ။ အင်ဗာတာသည် ဘက်ထရီမှထုတ်ပေးသည့်လျှပ်စစ် Direct Current DC ကို Alternative Current AC သို့ပြောင်းပေးသည်။
လျှပ်စစ်ပစ္စည်းအများစုမှာ AC ဖြစ်သောကြောင့်တည်း။ အင်ဗာတာကြောင့် မီးသီးမီးလုံး၊တီဗွီ၊ရေခဲသေတ္တာ၊အဲယားကွန်း စသည့်
ပစ္စည်းများကိုဖွင့်နိုင်ပေသည်။

• လျှပ်စစ်အင်ဗာတာတပ်ဆင်မည်ဆိုလျင်
  ၁။ အင်ဗာတာ ၂။ ဘက်ထရီ ၃။ အင်ဗာတာနှင့် ဘက်ထရီဆက်သည့် အဖို အမ ကြိုး ၂ချောင်း ၄။ ဘက်ထရီကိုအားပြန်လည်ဖြည့်တင်းနိုင်ရန် အတွက်လျှပ်စစ်မီး