အင်ဗာတာလား မီးစက်လား

အိမ်သုံးလျှပ်စစ်ပစ္စည်းများကိုအသုံးပြုရန် မည်ကဲ့သို့သောအရန်ဓါတ်အားပေးစနစ်ကအဆင်ပြေနိုင်ပါသနည်း။

အင်ဗာတာသုံးရမှာလား၊မီးစက်ဘဲဝယ်ရမလား။ ဆိုလာအင်ဗာတာလား၊ လျှပ်စစ်အားသွင်းအင်ဗာတာလား၊
ဓါတ်ဆီမီးစက်လား၊ ဒီဇယ်ဆီသုံးမီးစက်လား။ တစ်လုံးထိုးလား၊လေးလုံးထိုးမီးစက်သုံးရမလားစသည်ဖြင့်
ခေါင်းခြောက်ရသည်။ အထူးမှာ ငွေပမာဏတစ်ခုကုန်သော်လည်း အသုံးမဝင် အဝယ်မှားခြင်းပင်တည်း။
ရှေးဦးစွာ တစ်ပိုင်တစ်နိုင်အိမ်သုံးအရန်ဓါတ်အားပေးစနစ်ကို အလွယ်ရွေးချယ်နိုင်ရန်ဖေါ်ပြပေးပါမည်။
အများသုံးနှင့်စက်ရုံသုံးအတွက်ကိုလည်းဆက်လက်တင်ပြပါဦးမည်။

တစ်ပိုင်တစ်နိုင်အိမ်သုံးအတွက်ဖြစ်စေ၊ အများသုံး(ဈေး၊ကျောင်း၊ရုံး၊ဆေးရုံ၊သာသနိကဌာနများ)ဖြစ်စေ၊
လုပ်ငန်းသုံး/စက်ရုံသုံးဖြစ်စေ အဓိကမှာ-
က ။ သုံးစွဲမည့်လျှပ်စစ်ပစ္စည်းများ၏စုစုပေါင်း ဝပ်ပမာဏ
ခ ။ အသုံးပြုမည့်အချိန် တို့ပေါ်အခြေခံတွက်ချက်ခြင်းသာဖြစ်သည်။

တစ်ပိုင်တစ်နိုင်အိမ်သုံးအတွက်

၁. ဆိုလာနှင့်အင်‌ဗာတာဘက်ထရီတွဲလျက် အသင့်သုံးအုပ်စုံကဈေးအသင့်တင့်နှင့်အလွယ်ဝယ်၍ရသည်။
ဆိုလာထားရန်အဆင်မပြေလျင်လျှပ်စစ်အားသွင်းစနစ်ပါသည့်အမျိုးအစားကိုရွေးချယ်ရမည်။
မီးထွန်း၊ဖုန်းအားသွင်း၊ဝိုင်ဖိုင်သုံးအတွက်အဆင်ပြေသည်။မီးစက်သုံးသူများလည်းဤစက်ကိုဆောင်ထားသင့်သည်။
၂. ထိုထက်ပို၍မီးလုံးမီးချောင်းများများ၊ ပန်ကာ၊ ကွန်ပြူတာ၊ပရင်တာ၊တို့သုံးမည်ဆိုလျင်
ဆိုလာ၊ လျှပ်စစ်မီး၊မီးစက်တို့ဖြင့်အားသွင်း၍ရသည့် 12V 1000W သို့မဟုတ် 1500W
အင်ဗာတာအမျိုးအစားကိုသုံးရမည်။မီးစက်ဆိုလျင်လည်း 1KVA,2KVA,3KVA တစ်လုံးထိုးဓါတ်ဆီသို့မဟုတ်ဒီဇယ်သုံးနိုင်သည်။
၃. မီးထွန်း၊ပန်ကာ၊ကွန်ပြူတာ၊ပရင်တာအပြင် အဲကွန်း၊ရေခဲသေတ္တာ၊သုံးမည်ဆိုလျင် ဆိုလာ၊လျှပ်စစ်မီး၊ မီးစက်တို့ဖြင့်အားသွင်းသည့်စနစ်ပါ အင်ဗာတာ 24V 3000W/5000W သုံးရမည်ဖြစ်ပြီး မီးစက်
သုံးလျင်လည်း 5KVA ဒီဇယ်တစ်လုံးထိုးနှင့် လေးလုံးထိုးများကိုသုံးသင့်ပါသည်။

၄. အမှတ်စဉ်(၃)ပါပစ္စည်းများအပြင်မီးဖိုချောင်သုံးဒယ်နီ၊ပေါင်းအိုး၊အဝတ်လျော်စက်၊ရေမော်တာတို့ပါသုံးမည်ဆိုလျင်
24V 10KVA/15KVA/20KVA အင်ဗာတာသုံးရပါမည်။ မီးစက်ဆိုလျင်လည်း တစ်လုံးထိုးအသံငြိမ်/ လေးလုံးထိုးအသံငြိမ်
ဒီဇယ်အမျိုးအစား 10KVAမှ25KVA အထိအဆင်ပြေရာကိုအသုံးပြုနိုင်ပါသည်။
တစ်ပိုင်တစ်နိုင်အိမ်သုံးစနစ်ကိုအများသုံးဌာနများ၌အရေးပေါ်အစိတ်အပိုင်းအနေဖြင့် လျောက်လမ်းမီးနှင့်အ‌ရေးပေါ်မီး၊
ရုံးခန်း၊ဧည့်ခန်းတို့တွင် တပ်ဆင်အသုံးပြုနိုင်သည်။ အမှတ်စဥ် ၁,၂,၃,၄ အတွင်းကိုက်ညီသည့်အချက်ကို ရွေးရုံသာ။
အသုံးပြုမည့်အိမ်သုံးပစ္စည်းများနှင့်အဆင်ပြေကိုက်ညီသော အင်ဗာတာ/မီးစက်တို့၏ KVAကို အလွယ်ရွေးနိုင်ပေပြီ။

အင်ဗာတာလားမီးစက်လား ဘာကိုဘယ်လိုရွေးမလဲ

ဆိုလာအင်ဗာတာစနစ် လျှပ်စစ်အင်ဗာတာစနစ် နှင့်မီးစက်စနစ်တို့တွင်
1.နေရာအတွက် ဆိုလာနှင့်ဘက်ထရီထားရန် မီးစက်ထားရန် နှင့် ပြုပြင်ထိန်းသိမ်းရေးလုပ်ရန်နေရာရှိရမည်။
2.အသံ/အနံ့သည် ဆိုလာ/အင်ဗာတာအတွက် မရှိသော်လည်း မီးစက်အတွက်ဆူညံသံနှင့် မီးခိုးထွက်ရှိမှုအတွက် အထူးထည့်သွင်းစဥ်းစားရမည်။
3.ဆိုလာသို့မဟုတ်လျှပ်စစ်အင်ဗာတာစနစ်၏ကုန်ကျစရိတ်သည် မီးစက်ထက်၂ဆ/၃‌ဆ ပိုများသည်။မီးစက်တန်ဘိုးမှာ ပျမ်းမျှ 1kva=3သိန်းခန့်
4.ထိန်းသိမ်းမှု မှာဆိုလာအတွက်တနှစ်တခါသန့်ရှင်းရေးသာရှိပြီးဘက်ထရီအတွက် ၄/၅နှစ်ခန့်လှည့်ကြည့်ရန်မလိုပေ။

မီးစက်မူကား အပါတ်စဥ်ဆီဘိုး၊အင်ဂျင်ဝိုင်ဘိုး၊ ဆီသွားဝယ်ရန်အတွက်လည်းအခက်အခဲများရှိပါသည်။

အထက်ပါအချက်များကိုသေချာနိုင်းယှဥ်ကြည့်ပါလျင် အခြေအနေအရ မီးစက်သုံးရ‌သော်လည်း ကာလကြာသည်နှင့်အမျှ
အင်ဗာတာစနစ်က ပို၍တွက်ချေကိုက်ကြောင်းနှင့် ပါတ်ဝန်းကျင်ထိခိုက်မှု၊ဆူညံမှုမရှိခြင်းတို့က အင်ဗာတာစနစ်၏အားသာချက်များပင်တည်း။