ဆိုလာအကြောင်းသိကောင်းစရာ (၁)

Solar panels ဆိုတာကို အလွယ်ပြောရင် Solar Cells အလုံး (36, 60, 72, 96 လုံး)ကိုဆက်ပြီး အပေါ်ကနေ မှန်နဲ့အုပ် အခွံတပ်ပြီး PV Junction Box ကနေဓာတ်ကြိုး ထုတ်ပေးတာပါ။

Solar cells တွေကို series ချိတ်ဆက်ပြီး solar module လေးတွေဖြစ်လာပါတယ်။

Mono Solar Panel
Poly Solar Panel
Thin Film Solar
Thin film Technology Organic Cell

အဲ့ဒီလိုချိတ်တဲ့အချိန်မှာ Solar Panels အပေါ်မှာ အရိပ်ကျတဲ့ ပြဿနာကို ဖြေရှင်းရပါတယ်။

Solar cells တွေက ဆက်ထားတဲ့ cells တွေထဲက အနိမ့်ဆုံး power ထုတ်တဲ့ cell အတိုင်း ကျန်တဲ့ cells တွေက power လိုက်ထုတ်တယ်။ အဆိုးဆုံးအချိန်မှာ အရိပ်ကျတဲ့ cell က ပါဝါမထုတ်ရင် ဆက်ထားတဲ့ cells တွေကလဲ power မထုတ်တဲ့အထိ ဖြစ်နိုင်တယ်။

Solar panels ကိုဖုံတက်တာ ငှက်ချေးကျတာ အဲ့ဒါတွေကလဲ အရိပ်ကျတာဘဲ။ အဲ့ဒါကြောင့် Solar panels မျက်နှာပြင်ကို အမြဲသန့်ရှင်းရေးလုပ်ဖို့ လိုအပ်ပါတယ်။ Solar panel ထုတ်ကုမ္ပဏီတွေက အရိပ်ကျ ပြဿနာကို နည်းမျိုးစုံနဲ့ ရှင်းကြပါတယ်။

အသုံးအများဆုံးနည်းမှာ

Solar modules တွေကို group ခွဲပြီး string တစ်ခုစီ ဖြစ်အောင်လုပ်တယ်၊ strings တွေကို bypass diode ထည့်ပြီး ဆက်လိုက်ရင် အရိပ်ကျတဲ့ string ကို bypass ဖြစ်သွားပါတယ်။

Theory အရ Solar cells / modules တွေကို ဆက်တဲ့အခါ cells / modules တိုင်းမှာ bypass diode ထည့်လို့ရတယ်။ ဒါပင်မဲ့ ကုန်ကျစရိတ်များတဲ့အတွက် group ခွဲပြီး string တစ်ခုမှာ bypass diode တပ်တာများပါတယ်။

Bypass diode တွေက solar panels အထဲမှာ တပ်ထားတာကြောင့် အပြင်ကကြည့်ရင် မသိနိုင်ပါဘူး။

နောက်တစ်နည်းကတော့ Half-cut solar cells ပါ။ Solar cells တွေကို laser နဲ့ တစ်ဝက်ဖြတ်ပြီး သုံးတာပါ။

Half-cut solar panels တွေရဲ့ အားသာချက်များမှာ

၁) အရိပ်ကျခြင်းကို ခံနိုင်ရည် ရှိတယ်

၂) performance (Watt) ပိုကောင်းတယ်

၃) internal resistance ပိုနဲတယ်

Half-cut solar panels တွေက panel တစ်ခုကို အလယ်ကပိုင်းပြီး Solar ပြား နှစ်ပြားထည့်ထားတဲ့ ပုံသဏ္ဍာန်ဖြစ်သောကြောင့် လွယ်ကူစွာ ခွဲခြားနိုင်ပါတယ်။

Solar panel performance မြှင့်တင်ပေးသော အခြားနည်းပညာများ

1) Multi-busbars solar modules

2) Tiling Ribbon

အစရှိသည်တို့ကို solar ကုမ္ပဏီ တွေကတီထွင်ထုတ်လုပ်ကြပါတယ်။

Solar Panels မှာသိသင့်တဲ့ အသုံးအနှုန်းများ

STC: Standard Test Conditions – ဆိုလာပြားထုတ်လုပ်စဉ်စမ်းသပ်ထားသည့်စံနှုန်းများ။

NOCT: Normal Operation Cell Temperature – အသုံးပြုချိန်စမ်းသပ်ထားသည့် အချက်လက်များ

Voc : Open Circuit Voltage – Solar panel က အများဆုံး ထုတ်ပေးနိုင်တဲ့ Voltage ပါ။ Voc တိုင်းတဲ့ပုံစံက Solar panel ကထွက်လာတဲ့ ဝါယာကြိုးကိုတိုင်းခြင်း။

Isc: Short Circuit Current – အများဆုံး ထုတ်ပေးနိုင်တဲ့ Ampere ပါ။ Isc တိုင်းတဲ့ပုံစံက Solar panel ကထွက်လာတဲ့ ဝါယာကြိုးကို တစ်ခါထဲတိုင်းတာပါ။

Pmax: Maximum Power Point – Watt ကိုတိုင်းခြင်းဖြစ်ပြီး ဆိုလာပြားပေါ်တွင် Pmax (Watt) ‌ရေးထားသည်။

လက်တွေ့မှာ Solar ပြားတွေက အများဆုံး ထုတ်နိုင်တာတဲ့ Watt ကတော့ Pmax ရဲ့ 75% ဖြစ်ပါတယ်။ ကိုယ်ဝယ်တဲ့ Solar က 70% လောက်ထုတ်နိုင်ရင် တော်တော်ကောင်းနေပြီ။

Vmpp: Maximum Power Point Voltage – Solar Panel မှ MPPT controller ကို အများဆုံး ပေးနိုင်တဲ့ Voltage ပါ။ လက်တွေ့မှာ Vmpp က Voc ထက်ပိုတိကျပြီး ပိုအသုံးဝင်ပါတယ်။ Vmp：Maximum Voltage လို့လဲအတိုရေးကြတယ်။

Impp: Maximum Power Point Current

Solar Panel က MPPT controller ကို အများဆုံး ပေးနိုင်တဲ့ Ampere ပါ။ Imp: Maximum Current လို့လဲအတိုရေးကြတယ်။

– Normal Voltage က တစ်ကယ်တိုင်းပြီး ထွက်လာတဲ့ Voltage မဟုတ်ဘဲ ဆိုလာချပ်ကို 12 ဗို့၊ 24 ဗို့ စသည်အမျိုးစားခွဲလို၍ရေးထားခြင်းဖြစ်သည်။

-Maximum System Voltage – Solar panels တွေကို series ချိတ်လိုက်ရင် Volt တက်လာမယ် Ampere ကမပြောင်းဘူး။ Maximum system voltage က အများဆုံး solar panels ဘယ်နှစ်ခုအထိ series ချိတ်လို့ရမလဲ ဆိုတာကိုခေါ်တာပါ။

Solar panels တွေကို ချိတ်ဆက်နည်း နှစ်မျိုးရှိပါတယ်

Maximum System Voltage အပေါ်မူတည်၍ ဘယ်နှစ်ချပ်ချိတ်ရမည်ဆို လိုသည်။

parallel ချိတ်ရင် panels တွေထွက်တဲ့ Ampere တွေကိုပေါင်းပြီး Ampere အမြင့်ထွက်ပါတယ်။ Voltage မတက်ပါဘူး။ Series နဲ့ Parallel ကသုံးတဲ့နေရာ မတူလို့ ဘယ်ဟာပိုကောင်းတယ် ဆိုတာမရှိပါဘူး။ controller ကိုတွဲတာနဲ့ ဆိုင်တယ်။

Series ချိတ်ရင် Volt တက်မယ်၊ parallel ချိတ်ရင် Ampere တက်မယ်။ ဒါကြောင့် MPPT controller နဲ့တွဲသုံးရင် series ချိတ်မယ်။ PWM နဲ့တွဲရင် parallel ချိတ်ရပါမယ်။

အပိုင်း ( ၂ ) ကိုဆက်လက်ဖေါ်ပြပါမည်။