General Knowledge

ငလျင်လှုပ်ခတ်ခြင်း

No review

ကျွနုပ်တို့၏ ကမ္ဘာမြေတွင် သဘာဝဘေးဒဏ်အမျိုးမျိုးရှိသည့်အနက်တွင် ငလျင်လှုပ်ခြင်းသည်လည်းတခုအပါအဝင်ဖြစ်သည်။ ငလျင်လှုပ်ခတ်သည့်အင်အား အနည်းအများအလိုက် အပျက်အစီးများနှင့်ကြုံရသည်။ မည်သည့်အချိန်နေ့ရက်တွင် ပြင်းအားမည်မျှနှင့် ငလျင်လှုပ်တော့မည်ကိုတော့ မည်သူမျှကြိုတင်ခန့်မှန်းနိုင်ခြင်းတော့ မရှိချေ။ ဘေးအန္တရာယ်ကင်းရှင်းစေရေးအတွက် ကြိုတင်ပြင်ဆင်ထားခြင်းသာလုပ်ဆောင်နိုင်သည်။

ငလျင်လှုပ်ခတ်မှုမှာ မြန်မာနိုင်ငံတောင်ပိုင်းထက် မြောက်ပိုင်းက ငလျင်လှုပ်သည့်အကြိမ်ရေ ပိုများသည်။ မြောက်လတ္တီတွဒ် ၂၂ ဒီဂရီ မျဉ်းဖြင့်တောင်နှင့် မြောက်ပိုင်းခြားသည်။ မြောက်ပိုင်းတွင်လှုပ်သည့် ငလျင်များ၏ ၈၅% သည် (Richter Scale) ၅ ၏အထက်ရောက်၍ပြင်းထန်သည်။ Richter Scale ၈ နှင့်အထက်ပြင်းထန်သည့်ငလျင်ကြီးမျိုးသည် နှစ်ပေါင်း ၁၃၇ နှစ်တွင် ၁ကြိမ်လှုပ်ပြီး ၇ မှ ၇.၉ အထိပြင်းထန်သည့် ငလျင်သည် ၈ နှစ်လျင်တကြိမ်၊ ၆ မှ ၆.၉ အထိပြင်းထန်သော ငလျင်သည် ၄ နှစ်လျင်တစ်ကြိမ်လှုပ်ခတ်တတ်ပြီး ကျန်ငလျင်ငယ်များမှာ ၂ နှစ်လျင်တကြိမ်ကျ လှုပ်ခတ်လေ့ရှိသည်။

- ငလျင်လှုပ်ပါက အန္တရာယ်ကင်းမည့်နေရာသို့ရွှေ့ပြောင်းပါ။ အိမ်တွင်း၌ဖြစ်ပါက စားပွဲခုံ စသည့် အမာခံတစ်ခုခုအောက်တွင် နေရာယူပါ။
- ပြူတင်းပေါက်၊ ဘီရိုစသည့် ပြိုကျနိုင်မည့် ပစ္စည်းများနှင့် ဝေးရာသို့ရှောင်ရှားနေရာယူပါ။
- အပြင်ဘက်တွင်ဖြစ်ပါက ဓါတ်ကြိုးများ၊ ဂက်စ်ပိုက်လိုင်းများ၊ မုခ်ဦး စသည့်ပြိုကျနိုင်သည့် အဆောက်အဦနေရာများ၏ဝေးရာသို့ ရွှေ့ပြောင်းနေရာယူရန်ဖြစ်သည်။

သဘာဝဘေးအန္တရာယ်တခုဖြစ်သည့် ငလျင်ဘေးမှ ကာကွယ်ရန်အတွက် ကြိုတင် စီစဉ်ထားရှိ ခြင်းကသာ အကောင်းဆုံးဖြစ်သည်။ ငလျင်အန္တရာယ်နှင့်ကြုံတွေ့ရပါက စိတ်အေးအေးထား၍ အန္တရာယ်ကင်းသည့် နေရာသို့ရွေးချယ်ပြီး သက်ကြီးရွယ်အိုများနှင့် ကလေးငယ်များကို ဦးစားပေးရွှေ့ပြောင်းခြင်း၊ ကြောက်လန့် နေသူများအားအားပေးစကားပြောကြားပေးခြင်း၊ဖြစ်ပေါ်လာသည့် အခြေအနေကိုသုံးသပ်၍ အန္တရာယ် နည်းနိုင်သမျှနည်းရန် ကြံဆောင်လုပ်ကိုင်ရန်ဖြစ်သည်။ ငလျင်ဘေးသင့်သူများကို ကူညီဆောင်ရွက် ပေးနေသည့် လူမှုကယ်ဆယ်ရေးအဖွဲ့အစည်းများနှင့်လည်း အမြန်ဆုံးအဆက်အသွယ်ရယူ၍ လိုအပ်သည် များကို ဆက်လက်ဆောင်ရွက်ကြပါရန် အကြံပြုတင်ပြ လိုက်ရပါသည်။

Builder Mall

မိုးကြိုးလွဲအကြောင်း သိကောင်းစရာ

No review

မိုးကြိုးလွဲအကြောင်းမပြောမီ မိုးကြိုးပစ်ခြင်းအကြောင်းကို ဦးစွာပထမဖေါ်ပြပါမည်။ မိုးကြိုးပစ်ခြင်းဆိုသည်မှာ အချိန်တိုလျှပ်တပျက်အတွင်း အပူ၊ အလင်းနှင့် အလွန်မြင့်မားသည့်လျှပ်စစ်ပမာဏ ဖြတ်သန်းစီးဆင်းသွားခြင်းဖြစ်သည်။ မိုးကြိုးပစ်ခံရခြင်း ကြောင့် အပင်၊ လူ တိရစ္ဆာန် နှင့် နေအိမ်အဆောက်အဦများ၊ လျှပ်စစ်ပစ္စည်းများစွာတို့ ပျက်စီးခြင်းသို့ရောက်ကြရသည်။ အပူကြောင့် မီးလောင်ကျွမ်းသည်များလည်းရှိသည်။ကောင်းကင်တွင်ဖြစ်ပေါ်လာသည့် မိုးတိမ်များ၏ အောက်ခြေတွင် ရေငွေ့လှုပ်ရှားမှုကြောင့် Negative Charge ခေါ် လျှပ်စစ်အမဓါတ်များ စုဝေးဖြစ်ပေါ်လာသည်။ (ရှားရှားပါးပါး Positive Charge ခေါ် လျှပ်စစ်အဖိုဓါတ်များ စုဝေးသည်လည်းရှိတတ်ပါသည်။)

မိုးကြိုးလွဲအလုပ်လုပ်ပုံမှာ မြေပြင်သို့စီးလာသည့် လျှပ်စီးကြောင်းအား မြေကြီး အတွင်းသို့စီးဝင်နိုင်ရန် အလွယ်ကူဆုံးလမ်းကြောင်းကိုဖန်တီးပေးခြင်းပင်ဖြစ်သည်။ မိုးကြိုးလွဲတပ်ဆင်ရာတွင် အဆောက်အဦအမြင့်နှင့် အရွယ်အစားအလိုက် မိုးကြိုးလွဲအရေအတွက် တပ်ဆင်ရသည်။ ခေါင်မိုးအထက် အနည်းဆုံး ၃ ပေအမြင့်တွင်တပ်ရပါသည်။  မြေဓါတ် Earthing မိရန်နှင့် အသုံးပြုမည့်ကြေးကြိုးအရွယ်အစားမှာ အလွန်အရေးကြီးပါသည်။ နန်းကြိုးအလုံးသေးပါက ဖြတ်သန်းစီးဆင်းသော လျှပ်စစ်ပမာဏမှာ များပြားလှသည့်အတွက် နန်းကြိုးလောင်သွားနိုင်သည်။ Earthling Resistance သည် ၁၀ အုန်း(10 Ω ) အောက်တွင်ရှိရမည်။  ဓာတ်အားခွဲရုံနှင့် ဓာတ်အားလိုင်းများအတွက် Earthing Resistance သည် ၂ အုန်း (2 Ω) အထိရရှိဆောင်ရွက် ထားရန်လိုအပ်ပါသည်။ မြေတွင်းဓာတ်ပိုမိုရရှိမှု (Earthing Resistance) ကောင်းမွန်စေရေးအတွက် Earth ကျင်းတူးရာတွင် ၁ နေရာ တည်းသာမက ၂ နေရာ ၃ နေရာခန့်ကျင်းတူးပြီး Earthing  Point များကိုပေါင်းထားခြင်း၊ သာမန်ကျင်းများထက် မြေအောက်အစိုဓာတ်ကောင်းစွာရသည့် Tube Well များတွင် Earth ချခြင်းကမိုးကြိုးလွဲအတွက်ပိုမို Earth မိစေသည်။

မိုးကြိုးလွဲတပ်ဆင်ရာတွင် ကျွမ်းကျင်ပညာရှင်များနှင့်တိုင်ပင်အပ်နှံသင့်ပါသည်။ လွဲမှားသောတွက်ချက်မှုများဖြင့်တပ်ဆင်ထားမိလျင် အကျိုးထက် အပြစ်ကပိုများသည်။ မိုးကြိုးလွဲကို ကျွမ်းကျင်ပညာရှင်များနှင့် စနစ်တကျတပ်ဆင်ထားခြင်းဖြင့် မိုးကြိုးဒဏ်ကြောင့် နေအိမ်တိုက်တာ အဆောက်အဦများ လျှပ်စစ်ပစ္စည်းများ ပျက်စီးခြင်းမှ ကောင်းစွာ ကာကွယ်ပေးပါသည်ဟု တင်ပြလိုက်ပါသည်။

Builder Mall

သာကေတတံတား- ၁၉၆၆

No review

ဟိုက်ဒြောလစ်စနစ်ဖြင့်ထောင်မ ၍ရသည့်ချောင်းကူးတံတားကြီး

ဒုတိယကမ္ဘာစစ်ကြီး မှာ ၁၉၃၉မှ ၁၉၄၅ တွင်အဆုံးသတ်သွားပေသည်။ နိုင်ငံအများစုမှာ စစ်ဒဏ်ကြောင့်ပြိုလဲပျက်စီးကုန်ကြလေသည်။ထို့ကြောင့်ပြန်လည်ထူထောင်ရေးလုပ်ငန်းများကိုမဖြစ်မနေ ဆောင်ရွက်ကြရတော့သည်။ဆေးရုံများ၊ကျောင်းများ၊ အုပ်ချုပ်ရေးပိုင်းဆိုင်ရာအဆောက်အဦများနှင့် လမ်းပမ်းဆက်သွယ်ရေး လုပ်ငန်းများကို အရင်ဆုံးဦးစားပေးအကောင်ထည်ဖေါ်ဆောက်လုပ်ကြရသည်။ ကိုလံဘိုစီမံကိန်းအနေဖြင့်မြန်မာနိုင်ငံတွင် တည်ဆောက်ရေးလုပ်ငန်းအမြောက်အများ အကောင်ထည်ဖေါ်ဆောင်သွားခဲ့သည်။ ဤကိုလံဘိုစီမံကိန်းကြီးထဲတွင် ပုဇွန်တောင်ချောင်း (ငမိုးရိပ်ချောင်းဟုလည်းခေါ်) ကူးတံတားကြီးလည်းအပါအဝင်ဖြစ်ပြီး သာကေတမြို့သို့ဆက်သွယ်ထား၍ သာကေတတံတားဟု အမည်ခေါ်တွင်ပေတော့သည်။

အရှေ့ဘက်သာကေတမှ မြစ်ကူးတံတားကိုကျော်ပြီး ဝဲဘက်ပုဇွန်တောင်စာတိုက်နှင့် ယာဘက် စက်ဆန်း၊ အတည့်သွားလျင်စက်ရုံလမ်းသို့ အသွားလမ်း၊ အပြန်လမ်းအဆင်ပြေသည့်ပုံစံဖြစ်သည်။ အထူးအားဖြင့်ပုဇွန်တောင်ချောင်းဖြတ်ကူးသည့် သာကေတတံတားကြီးသည် အလယ်မှ မ၍ရသည့် ရင်ကွဲတံတားကြီးဖြစ်ပြီး ထောင်မ၍ထားလျင် သင်္ဘောကြီးများဖြတ်သန်းနိုင်သည်။ဤသာကေတတံတားကြီးကို အထူးပုံစံထုတ်ပြီးတည်ဆောက်ထားခြင်းဖြစ်သည်။ တံတားကြီးကို‌ထောင်မ တော့မည်ဆိုလျင် ဦးစွာအချက်ပေးဥဩသံပေးသည်။ တံတားကြီးအောက်တဘက်တချက်ရှိ မော်တာကြီးများကိုမောင်း၍ Hydro lift စနစ်ကိုလည်ပါတ်စေသည်။ Hydro lift ထိုးတံကြီးများက တံတားကြီးကို မ တင်လေသည်။ သင်္ဘောကြီးများဖြတ်သန်းသွားပြီးနောက် တံတားကြီး ပြန်ချပြီးသော် မူလအတိုင်း ကားများဆက်လက်ဖြတ်သန်းလေတော့သည်။

ဤတံတားကြီးကို ၁၉၆၆ ခုနှစ်တွင်တည်ဆောက်ခဲ့ပြီး ၂၀၂၀ ခုနှစ်အထိအသုံးပြုခဲ့ပြီး လမ်းတံတားအင်ဂျင်နီယာ၊ စက်မှုအင်ဂျင်နီယာများလေ့လာနိုင်ရန်နှင့် ပြည်သူ့အပန်းဖြေပန်းခြံအဖြစ်ထားရှိလေသည်။ ယခုအခါ သာကေတ၊ ဒေါပုံမြို့များမှ အခြားမြို့များသို့ဆက်သွယ်ထားသည့်တံတားပေါင်းမှာ ၈ စင်းခန့်တည်ဆောက်ထားသည်။

Builder Mall

ကမ္ဘာကျော်ဂုတ်ထိပ်တံတား

No review

မြန်မာနိုင်ငံ ရှမ်းပြည်‌မြောက်ပိုင်း နောင်ချိုမြို့နယ် တွင်ကမ္ဘာကျော်ဂုတ်ထိပ်တံတားကြီးတည်ရှိလေသည်။ ဤတံတားကြီးမှာ မန္တလေးလားရှိုး ရထားလမ်းကြီး၏ မိုင်တိုင်အမှတ် 463/9 ရှိကျောက်ဂူကြီးအပေါ်မှကျော်၍ တောင်ထိပ်နှစ်ခုကိုဆက်သွယ်ထားခြင်းဖြစ်သည်။ အလွန်မတ်စောက်သောတောင်ကမ်းပါးယံနှစ်ဘက် အလွန်နက်ရှိုင်းလှသည့်ချောက်ကိုဖြတ်၍ တောင်ကမ်းပါးယံ နှစ်ဘက်ကိုတံတားထိုးထားခြင်းဖြစ်သည်။ တံတားထိပ်တွင် (Gok Teik) ဂုတ်ထိပ်ဘူတာရှိသည်။

တံတားသံဘောင်အတွက် ၁၂၀ ပေ ၁၀ ချောင်း ၊ ၆၀ ပေ ၇ချောင်း၊ ၄၀ ပေ ၁၆ ချောင်း နှင့် တိုင်ပေါင်း ၁၆ တိုင်အသုံးပြုထားသည်။ သံတန်ချိန်ပေါင်း ၄၃၁၁ တန်ချိန်ကိုအသုံးပြုတည်ဆောက်ထားသည်။ ပေါင်စတာလင် ၁၁၃၂၀၀ ကုန်ကျသည်။ ဖက်ဆစ်ဂျပန်တို့ဆုတ်ခွာရာတွင် တိုင်အမှတ် ၉, ၁၀, ၁၁, ၁၂ တို့ကို မိုင်းထောင်ဖျက်စီးခဲ့ရာမှ ပြန်လည်ပြုပြင်ထားပြီးယခုတိုင်အသုံးပြုလျက်ရှိပါသည်။

တံတားတည်ဆောက်ရာတွင်တွေ့ကြုံရင်ဆိုင်ရသည့် လမ်းပမ်းဆက်သွယ်ရေး၊ ရာသီဥတု၊ မြေမျက်နှာပြင် စသည့်အခက်အခဲများနှင့် အခြားအခက်အခဲများကိုလွန်မြောက် ကျော်ဖြတ်၍အောင်မြင်စွာ တည်ဆောက်နိုင်ခဲ့သည်မှာ အင်ဂျင်နီယာပညာရပ်ပင်ဖြစ်ပါကြောင်း အိမ်ခြံမြေ၊ ဆောက်လုပ်ရေးလုပ်ငန်းများနှင့် ဆောက်လုပ်ရေးဆိုင်ရာပညာရပ်များကိုဖော်ပြလျက်ရှိသည့် Builder Mall မှဖေါ်ပြလိုက်ရပါသည်။

ဂျိုးဖြူကန်နှင့်ရေပေးဝေရေးစနစ်

No review

Gyophyu Lake and Water Supply System

ဂျိုးဖြူရေကန်သည် ရန်ကုန်မြို့မြောက်ဖက် တိုက်ကြိးမြို့နယ်အတွင်းတည်ရှိသည်။ ပဲခူးရိုးမတောင်လက်မောင်းများပေါ်ရှိ ချောင်းကြီး ၅ ချောင်းပေါင်းဆုံရာ နေရာ ပင်လယ်ရေမျက်နှာပြင်အထက် 215’ တွင်တည်ရှိသည်။ ရေပေးဝေသည့်စနစ်မှာ သဘာဝရေကန်ကြီးမှရေကို ရန်ကုန်မြို့သို့ သဘာဝနည်းအတိုင်းပေးပို့ထားခြင်းပေတည်း။

အထက်ကန်ရေအများဆုံးသိုလှောင်မှတ်သည် RL 215 ဖြစ်ပြီး အောက်ကန်မှာ RL 185 ဖြစ်သည်။ မြင့်ရာမှနိမ့်ရာစီဆင်းသည့် ရေ၏သဘောအတိုင်း အထက်ကန်မှရေသည် အောက်ကန်သို့ရောက်ပြီး အဆင့်ဆင့်ရေစစ်တော့လေသည်။ အမှိုက်သရိုက်၊ အမှုန်အမွှား၊ သံဓာတ်၊ ကန့်ဓာတ်၊ စသည်တို့ကိုအဆင့်ဆင့်စစ်သည်။ ဓာတ်ခွဲခန်းလည်းရှိပြီး ရလာသည့်ရေသန့်ကိုရန်ကုန်မြို့သို့ပို့လေတော့သည်။ ရန်ကုန်မြို့အရှေ့ဖက် မြို့ပါတ်ရထားလမ်းနှင့်ယှဉ်လျက်သွယ်တန်းထားသော ပိုက်လုံးကြီးများကိုတွေ့နိုင်သည်။ ဤသည်မှာ ဂျိုးဖြူရေကန်ကြီးမှ ရန်ကုန်မြို့သို့နေ့စဉ်ပေးပို့လျက်ရှိသည့် ရေသန့်ပိုက်လိုင်းများပင်ဖြစ်တော့သည်။

Builder Mall

ကမ္ဘာ့သဘာဝပါတ်ဝန်းကျင်နေ့

No review

World Environment Day

Builder Mall

ကမ္ဘာ့ဆေးလိပ်ကင်းစင်နေ့

No review

World No Tobacco Day, Friday, May 31, 2024

ကမ္ဘာ့ဆေးလိပ်မသောက်ရေးနေ့ကို ကမ္ဘာ့ကုလသမဂ္ဂအဖွဲ့ကြီး (United Nation)တွင်ပါဝင်သည့် ကမ္ဘာ့ကျန်းမာရေးအဖွဲ့ဖြစ်သော World Health Organization (WHO)အဖွဲ့ကြီး၏ အဖွဲ့ဝင်နိုင်ငံများက ၁၉၈၇ ခုနှစ်တွင် သတ်မှတ်ခဲ့သည်။ ဆေးလိပ်နှင့်ဆေးရွက်ကြီးကြောင့် နှစ်စဉ်လူများ သန်းနှင့်ချီ၍သေဆုံးကြရသည်။ အဆုပ်နှင့်သွေးကြောများပျက်စီးစေသည်။ အဆုပ်၊ လည်ချောင်းနှင့် ခံတွင်း ကင်ဆာရောဂါများဖြစ်ပွားစေသည်။ ကမ္ဘာ့လူငယ်များ၏ကျန်းမာရေးကိုဆုတ်ယုတ်စေသည်။

ဆေးလိပ်သောက်ခြင်းသည်ကျန်းမာရေးကိုဆိုးရွားစွာထိခိုက်စေသည်။ ဆေးလိပ်နှင့်ဆေးရွက်ကြီးသုံးစွဲခြင်းမှရာသက်ပန်ရှောင်ကျဉ်ကြပါရန် Builder Mall မှနှိုးဆော်လိုက်ပါသည်။ 2024 အတွက် World No Tobacco Day မှာ Friday, May 31, 2024 ဖြစ်ပါသည်။

Builder Mall

March 22, World Water Day

No review

ရေသည်မရှိမဖြစ်လိုအပ်သည့်သဘာဝအရင်းအမြစ်ပင်တည်း။ ယနေ့သည် ကမ္ဘာလုံးဆိုင်ရာသောက်သုံးရေနေ့ဖြစ်သည်။ မြေပေါ်ရေ၊ မြေအောက်ရေ၊ လေထုတွင်းရှိရေ၊ ရေခဲတောင်၊ရေခဲမြစ်၊ နေရာတကာရှိရေတို့နှင့်သက်ဆိုင်သည်။ ကမ္ဘာနိုင်ငံအသီးသီးကနောင်ကြုံရမည့်ရေပြဿနာအတွက်ခေါင်းစားနေကြပြီ။

ရေနှင့်ဆိုင်ရာသင်ရိုးပြဌာန်းများလည်းတွင်တွင်ကျယ်ကျယ်မရှိချေ။ လက်ဦးဆရာများ၊ မိဘများ၊ ဆရာဆရာမများ နှင့် မိတ်ဆွေအပေါင်းအသင်းများအချင်းချင်း ရေလေလွင့်ဖြုန်းတီးမှုမရှိစေရေးအတွက် စနစ်တကျနည်းလမ်းပြညွှန်ပေးကြရန်လိုသည်။ နင်နှင့်မဆိုင် ငါသာပိုင်၊ ငါ့ငွေ၊ ငါ့ရေ၊ ငါ့စိတ်ကြိုက်ဟုအမြင်မတိမ်ဘဲ ကမ္ဘာပြသနာဟုရှုမြင်ကြပါရန်။ ငွေဖြင့်အခြားပစ္စည်းဝယ်၍ရနိုင်သော်လည်းရေမရှိလျင်ဘာနှင့်မျှလဲလှယ်၍မရပါ။ ပရမ်းပတာရေသုံးစွဲခြင်း ကိုရှောင်ကြဉ်ကြပါဟုတင်ပြလိုက်ပါသည်။

Builder Mall

ကျေးရွာအဆင့်ဆီဆိုင်တည်ဆောက်ခြင်း

No review

စက်သုံးဆီဆိုင်ဆောက်လုပ်ရေးဆိုင်ရာဥပဒေသများ

စက်သုံးဆီဆိုင်တည်ဆောက်ရာတွင် အဆင့်သတ်မှတ်ချက်များနှင့် အညီဆောက်လုပ်ကြရသည်။ အကျယ်အဝန်း၊ လျှပ်စစ်သွယ်တန်းခြင်း၊ လမ်းမကြီးမှအကွာအဝေး၊ မီးဘေးကာကွယ်ရေး၊ ခရီးသွားများနားရန်နေရာ၊ စားသောက်ဆိုင်စသည့် တို့ကို ထည့်သွင်းတည်ဆောက်ကြသည်။ စက်သုံးဆီဆိုင်တည်ဆောက်ရာတွင်စွမ်းအင်ဝန်ကြီးဌာန၏ ဥပဒေသများ သတ်မှတ်ချက်များနှင့်အညီတည်ဆောက်ကြရပေသည်။

လျှပ်စစ်နှင့်စွမ်းအင်ဝန်ကြီးဌာနသည် ကျေးလက်ဒေသအသေးစားစက်မှုလက်မှုလုပ်ငန်းများ ဖွံ့ဖြိုးတိုးတက်စေရေး၊ လယ်ယာကဏ္ဍဖွံ့ဖြိုးတိုးတက်စေရေး၊ အလုပ်အကိုင်အခွင့်အလမ်းများရရှိပြီး လူမှုအဆင့်အတန်းပိုမိုမြင့်မားစေရေးနှင့် ဝင်ငွေတိုးတက်စေရေးတို့အတွက် တစ်ဖက်တစ်လမ်းမှ အထောက်အကူပြုနိုင်ရန်ရည်ရွယ်၍ ရေနံနှင့်ရေနံထွက်ပစ္စည်းဆိုင်ရာဥပဒေ ပုဒ်မ ၈ ပုဒ်မခွဲ (က) နှင့် ပုဒ်မ ၅၄ ပုဒ်မခွဲ(ခ) တို့အရ အပ်နှင်းထားသောလုပ်ပိုင်ခွင့်ကိုကျင့်သုံးလျက် ကျေးရွာသုံးစက်သုံးဆီ အရောင်းဆိုင်ဖွင့်လှစ်ရောင်းချခွင့် လိုင်စင်ကိုထုတ်ပေးသည်။

ကျေးရွာသုံးစက်သုံးဆီဆိုင် ( Village Mini Pump Station ) အတွက်ဥပဒေသတ်မှတ်ချက်များထားရှိသည်။ သက်ဆိုင်ရာမြို့နယ် စည်ပင်သာယာရေးဌာန ၏စီမံခန့်ခွဲမှုဧရိယာပြင်ပတွင်တည်ဆောက်ရသည်။ ကျေးရွာနေထိုင်သူကိုဦးစားပေးသည်။ မြေဧရိယာအကျယ်အဝန်းသည် အနည်းဆုံး စတုရန်းပေ ၂,၀၀၀ နှင့် မျက်နှာစာဖွင့်အကျယ် အနည်းဆုံး ပေ ၄၀ ရှိရမည်။

လျှပ်စစ်မီးမရလျင် ဘက်ထရီပန့် (D.C Electric Pump) မသုံးရ၊ လက်ရိုက်ပန့် (Hand Pump) သို့မဟုတ် ခြင်ခွက် ကိုအသုံးပြုနိုင်သည်။ လျှပ်စစ်မီးရရှိပါက လျှပ်စစ်ပန့် (A.C Electric Pump) သုံးရမည်။ ဓာတ်ဆီကို မြေအောက်သိုလှောင်ကန်ဖြင့်လည်းကောင်း၊ ဒီဇယ်ဆီကို မြေပေါ်သို့မဟုတ် မြေအောက်သိုလှောင်ကန်ဖြင့်လည်းကောင်း သိုလှောင်နိုင်သည်။ လျှပ်စစ်ပန့် (A.C Electric Pump)ဖြင့် ဖြန့်ဖြူးရောင်းချပါက ဒီဇယ်ပန့်တစ်လုံးနှင့် ဓာတ်ဆီပန့်တစ်လုံးသာ အသုံးပြုရမည်။ အရောင်းဆိုင်ခြံစည်းရိုးသည် မြေအောက်သိုလှောင်ကန်နှင့် အနည်းဆုံး ၅ ပေ၊ မြေပေါ်သိုလှောင်ကန်နှင့် အနည်းဆုံး ၁၀ ပေ ကွာဝေးရမည်။ ဂိုဒေါင်၏အကျယ်အဝန်းသည် အနည်းဆုံးစတုရန်းပေ ၂၀၀ ရှိရမည်ဖြစ်ပြီး အရောင်း ဆိုင်ခြံစည်းရိုးမှ အနည်းဆုံး ၁၅ ပေ ကွာဝေးရမည်။

ကျေးရွာသုံးစက်သုံးဆီအရောင်းဆိုင်တစ်ဆိုင်တွင် စက်သုံးဆီပမာဏ ဂါလန် ၁,၀၀၀ ထက်ပို၍ သိုလှောင်ခြင်းမပြုရ။ ရေနံနှင့်သဘာဝဓာတ်ငွေ့ပိုက်လိုင်းများနှင့် လည်းသတ်မှတ်အကွာအဝေးရှိရပေမည်။ပူးတွဲတင်ပြထားသည့်ပုံသည်သတ်မှတ်ချက်များနှင့်အညီတည်ဆောက်ထားခြင်းဖြစ်သည်။ မြေအောက်ဆီသိုလှောင်ကန်၊ ပန့်နှင့် ဆီပို့စနစ်များပါဝင်ပြီး မြေပြင်တွင်လည်း ယာဉ်ရပ်နားရန်နေရာ၊ ရေစင်၊ မီးသတ်စနစ် တို့ကိုထည့်သွင်းတည်ဆောက်ထားသည်။

ကျေးရွာသုံးစက်သုံးဆီအရောင်းဆိုင်ဖွင့်လှစ်ရောင်းချခြင်းလုပ်ငန်းနှင့်စပ်လျဉ်း၍ ရေနံထွက်ပစ္စည်းဆိုင်ရာဥပဒေနှင့် သက်ဆိုင်ရာတည်ဆဲဥပဒေ၊ နည်းဥပဒေများ၊ လုပ်ထုံးလုပ်နည်းများ၊ အမိန့်နှင့် ညွှန်ကြားချက်များကို လိုက်နာရမည်ဖြစ်ပြီး လိုက်နာရမည့် စည်းကမ်းချက်များကိုလိုက်နာရန် ပျက်ကွက်လျှင်ဖြစ်စေ၊ ဖောက်ဖျက်လျှင်ဖြစ်စေ ရေနံနှင့်ရေနံထွက် ပစ္စည်းဆိုင်ရာဥပဒေအရ အရေးယူခြင်းခံရမည် ဖြစ်ပါကြောင်း ဗဟုသုတအလို့ငှာတင်ပြလိုက်ရပါတော့သည်။

Builder Mall

ခေတ်မီပြူတင်းသံပန်းများ

No review

Modern Window Grills 2023

Builder Mall