မကြာမီထည့်သွင်းသုံးရတော့မည့် မိုးရေခံစနစ်

မြန်မာနိုင်ငံသည် မိုးများသောရပ်ဝန်းဖြစ်သည့်အလျောက် မိုးဥတုတွင်မိုး‌ရေများဖေါဖေါသီသီရရှိနေပေသည်။ နွေဥတုတွင်ရေရှားပါးမှု၊သောက်သုံးရေပြတ်လပ်မှု သတင်းများ‌ကြားသိမြင်တွေ့နေရသည်မှာလည်းအမှန်ပင်ရေသံသရာလည်ပုံလည်းအားလုံးသိပြီးဖြစ်သည်။
ကျလာသည့်မိုးရေများသည် နည်းအမျိုးမျိုးဖြင့် မြေအောက်မြစ်များသို့ရောက်ရှိသွားသည်။ ထိုရေများကို ကျွနုပ်တို့သည် အဝီစိရေအဖြစ်နည်းမျိုးစုံဖြင့် တနှစ်ပါတ်လုံး ထုတ်ယူသုံးစွဲကြလေသည်။
ထုတ်ယူမှုပမာဏများပြီးဖြည့်တင်းသည့်ပမာဏ နည်းလာသည့်အလျောက်အလျင်မမီဖြစ်ပြီး နောင်တွင်ရေရှားပါးမှုပြသနာနှင့် မဖြစ်မနေကြုံတွေ့ရင်ဆိုင်ရပေတော့မည်။ ယ‌နေ့မြို့ပြအိမ်ယာသစ်များတည်ဆောက်ကြရာတွင် မိုးရေခံယူသိမ်းဆည်းစနစ် Rain Harvesting & Storage System ကိုမဖြစ်မနေ ထည့်သွင်း‌ရေးဆွဲ အသုံးပြုသင့်ပါသည်။

ယခင်ကအိမ်ယာစီမံကိန်းများတွင် ဤစနစ်ကိုထည့်မသုံးပေ။ ယခင်အိမ်ပုံစံများမှာ ရေတံလျောက်မှရေကိုမြောင်းထဲသို့ အလွယ်တကူစီးဆင်းစေရုံသာ။ သုံးရန်လည်းမလို ရေကပေါများပြီးဖြစ်သည်။ငွေကုန်ခံ၍မည်သူမျှလည်းမလုပ်ကြပေ။
တောအိမ်များ၊ လျပ်စစ်မီးမရရှိသည့်နေရာများတွင်သာ ရေတလျောက်မှတဆင့် စဥ့်အိုးများဖြင့် သောက်ရေခံကြသည်။
မိုးရေခံယူသိမ်းဆည်းစနစ် Rain Harvesting System သည်အပြောကားလွယ်၏။ ရရှိလာသည့်မိုးရေကို
မည်သည့်နေရာတွင်သိမ်းမည်နည်း။ မြေပေါ်လား၊မြေအောက်လား။ မြေအောက်သိုလှောင်ခြင်းသည် အောက်ရေကန်သို့ စီးဆင်းစေပြီးမှ ပန့်နှင့်အပေါ်သို့ပြန်တင်ရုံပင်။ မြေပေါ်ဆိုလျင်တော့ လူဦးရေ၊ ဧရိယာ၊ ထုထည် နှင့်အလေးချိန်တို့ကိုထည့်သွင်းစဥ်းစားရပေလိမ့်မည်။
မိုးရေချိန် 1″သည်အမိုး၏ဧရိယာ 2000 Sq ft အတွက်ရေ 1250ဂါလံရရှိနိုင်ပေသည်။ ယခုအခါမိုးရေခံတိုင်ကီများမှာမိမိနှင့်ကိုက်ညီသည့် ပုံသဏ္ဌာန်အမျိုးမျိုးကို အလိုရှိသလောက် ရရှိနိင်ပေပြီ။ လူ၁ဦးသည် ၁ရက်လျင် ရေဂါလံ ၂၀ နုန်း
ပျမ်းမျှသုံးစွဲပေရာ လူဦးရေနှင့်ချိန်ကိုက်၍ တွက်ချက်နိုင်သည်။ ပုံတွင် လူနေအိမ်တစ်လုံး၏ အရိုးရှင်းဆုံး Design ကိုဖေါ်ပြထားသည်။ ရေကန်ကိုအိမ်၏အပေါ်ထပ်တွင် ထားမည်ဆိုလျင် ရေ 1လီတာသည် 1 Kg အလေးချိန်ရှိသည်ကိုတော့ မဖြစ်မနေထည့်သွင်းတွက်ချက်ရပေမည်။

စက်ရုံ အလုပ်ရုံများ၊ သာသနိကရိပ်သာများ ဆေးရုံ၊ ဈေး၊ကျောင်း စသည်တို့တွင် မိုးရေခံစနစ်ကိုမဖြစ်မနေ သုံးသင့်ပေသည်။ ရေတင်စားရိတ်နှင့်ရေစောင့်တင်ရသည့်အချိန်လုံးဝသက်သာပြီးတွက်ချေကိုက်သည်။ ဂျာမဏီကဲ့သို့သော ဖွံ့ဖြိုးပြီးကမ္ဘာ့နိုင်ငံအချို့ကမိုးရေကို
High Compressor ဖြင့်အဝီစိတွင်းထဲသို့ပြန်လည်မှုတ်သွင်းသည်။

မိုးရေခံယူစနစ်များ – အမိုးပေါ်သို့ကျလာသည့်မိုးရေကို ‌ရေတံလျောက်မှတဆင့် သွယ်ယူ၍ အထပ်မြင့်ကန်(Overhead Tank)၊မြေပေါ်ကန်၊မြေအောက်ကန် တို့တွင်အဆင်ပြေသလိုသိမ်းနိုင်သည်။
ရေတံလျောက်နှင့် သိုလှောင်ကန်တို့သွယ်ထားသည့်ပိုက်တွင် Tee Valve တစ်လုံးခံပေးရမည်။ ‌ကန်အဝင်နှင့် မလိုလျင်အပြင်ထုတ်ရန်ဖြစ်သည်။ မီးသွေး၊ မြစ်ကျောက်၊ ဂဝံကျောက်တို့ဖြင့်ခံ၍ သမားရိုးကျ ရေစစ်သည့်စနစ် ကိုလည်းထည့်သွင်းနိုင်သည်။
တံစက်မြိတ်အောက်တွင်နံရံကပ်ရေကန်ကိုထားနိုင်သည်။ သိုလှောင်ကန်မှရေကို Pump ဖြင့် Over Head Tank သို့တင်ပို့ပြီးအလိုရှိသလိုသုံးနိုင်သည်။

Rian Harvesting & Storage Design
-Roofing
-Gutter/ Valley Gutter
-Pipe
-Tee Valve
-Filter
-Storage Tank
-Pump (Submersible Pump)
-Overhead Tank
-Plumbing

မည်သို့ပင်ဆိုစေကာမူ အနာဂါတ်အိမ်ယာစီမံကိန်းများတွင်ငွေကြေးအနည်းငယ်အကုန်ကျခံရုံမျှနှင့် မိုးရေခံယူသိမ်းဆည်းစနစ်ကို ထည့်သွင်းတည်ဆောက်မည်ဆိုပါက ရေရှားပါးပြတ်လပ်မှုပြသနာကို ဖြေရှင်းပေးနိုင်ပါကြောင်း တင်ပြအပ်ပါသည်။ 
# BM Editor