ခရစ်စမတ်ပွဲတော်
ခရစ်စမတ်နေ့သည် ယေရှုခရစ်တော်ဖွားမြင်သည့် အထိမ်းအမှတ်နေ့ဖြစ်သည်။ ခရစ်စမတ်ပွဲတော်ကို နှစ်စဉ်ဒီဇင်ဘာလ ၂၅ ရက်နေ့တွင်ကျင်းပကြပါသည်။ Christmas ဆိုသည်မှာ Christ ခရစ်တော်ရဲ့ Mas ကြီးမားလှသောသာသနာကိုပြုခြင်းဟု အဓိပ္ပါယ်ရပါသည်။ ဒီဇင်ဘာ ၂၅ ရက်သည် နေနှင့်ကမ္ဘာ အဝေးဆုံး နေ့ရကလည်းဖြစ်သည်။ ကမ္ဘာ့လူဦးရေ၏ ၃၀ % မှာခရစ်ယာန်ဘာသာဝင်များဖြစ်ကြသည်။
အေဒီ ၃ ရာစုမတိုင်မီအထိ ခရစ်စမတ်နေ့ကိုမေလ၊ ဧပြီလ၊ ဇန္နဝါရီလများမှာကျင်းပကြပါသည်။
အေဒီ၃ ရာစုသို့ရောက်သောအခါ အသင်းတော်များစုပေါင်းပြီး ပွဲတော်ကို တစ်ရက်တည်းကျင်းပကြရန်နှင့် ဒီဇင်ဘာလ ၂၅ ရက်နေ့ကို ခရစ်စမတ်နေ့ဟု တညီတညွတ်တည်း သတ်မှတ်ခဲ့ကြသည်။
ခရစ်စမတ်ပွဲတော်ကို ကမ္ဘာအနှံ့စည်ကားသိုက်မြိုက်စွာကျင်းပကြသည်။ စီးပွားရေးသမားများ ကလည်း ခရစ်စမတ်ပစ္စည်းမျိုးစုံကို ထုတ်လုပ်ရောင်းချလာကြသည်။ လက်ဆောင်ပေးမည့်ပစ္စည်းများ၊ ပို့စ်ကတ်များ၊ အင်္ကျီများကို ထုတ်လုပ်ရောင်းချလာကြသည်။ နိုင်ငံ ၁ခုနှင့်၁ခု အယူအဆမျိုးစုံ၊ ပုံစံမျိုးစုံဖြင့် ထုတ်လုပ်ရောင်းချကြသည်။ အထူးခြားဆုံးမှာ Christmas tree ဖြစ်ပြီး မီးရောင်စုံများချိတ်ဆွဲပြီး အလှပဆုံး အလှဆင်ကြခြင်းဖြစ်ပါသည်။ နောက်တခုမှာ ခင်မင်သူများကို ခရစ်စမတ်လက်ဆောင်ပေးခြင်းဖြစ်ပါသည်။
ခလေးများကို (Santa Claus)စင်တာကလော့ကလက်ဆောင်ပေးခြင်းဖြစ်ပါတယ်။ နိုင်ငံစုံမှ ခလေးများသည် လက်ဆောင်များလာရောက်ထည့်ထားနိုင်ရန်အတွက် ခြေအိတ်များချိတ်ဆွဲခြင်း၊ သစ်သားဖိနပ်များကို မီးဖို ပေါ်သို့တင်ထားခြင်းများပြုလုပ်လေ့ရှိကြပါသည်။
သခင်ယေရှု၏မွေးနေ့အထိမ်းအမှတ် ခရစ်စမတ် ပွဲတော်ကို နှစ်စဉ်ဒီဇင်ဘာ ၂၅ ရက်နေ့ရောက်တိုင်း ကမ္ဘာတဝှမ်းလုံး ခြိမ့်ခြိမ့်သဲ ကျင်းပကြလေသည်။ အသင်းတော်များ၊ ဘုရားရှိခိုးကျောင်းများ၊ စင်တာများ နှင့် နေအိမ်များတွင် ဝတ်ပြုဆုတောင်းပွဲ၊ ပျော်ပွဲရွှင်ပွဲများကို စည်ကားသိုက်မြိုက်စွာ ကျင်းပကြသည်။
Builder Mall
