Day: October 19, 2023

 ပုံ ၁။ ရိုးရိုး အသေးစားဝန်ချီစက်     
 ဝန်ချီကရိန်းများနှင့်စက်သီးများအကြောင်းကို တစ်ပိုင်းစီတင်ပြပါမည်။ ဝန်ချီကရိန်းများသည် Maximum Load ခေါ် ထမ်းဆောင်ချီမနိုင်သည့်ဝန်အတိုင်းသာလုပ်ဆောင်နိုင်သည်။ ဝန်အား၊ တည်နေရာ၊အနေအထား အတိုင်း ပုံစံကိုလိုက်၍ လုပ်နည်းမျိုးစုံရှိပါသည်။ အလေးချိန်သတ်မှတ်ချက်ရှိသည်။ ၁ တန်၊ ၂ တန်မှစ၍ တန်ချိန်  ၃၀၊ ၄၀ စသည်ဖြင့် ဝန်ချီနိုင်အားကိုသတ်မှတ်ထားသည်။ ဝန်ချီကရိန်းသည် လုပ်ငန်းခွင်အတွင်း ပစ္စည်းများ တင်လို၊ ချလိုလျှင်
၁။ မလူးနိုင်မစောင်းနိုင်ရန်နှင့် အခြေခိုင်မာရမည်။
၂။ သတ်မှတ်ဝန်အတိုင်းမချီရန် မောင်းတံကိုထုတ်
၃။ ပစ္စည်းကိုချိတ်ဖြင့်ချိတ်၍ အလိုရှိရာအနိမ့်အမြင့်အတိုင်း ပို့ဆောင်သည်။

၄။ မောင်းတံ မြှင့်နိုင်၊ မြှောက်နိုင်သည့်ဒီဂရီအချက်ပြအမှတ်သားကို မောင်းတံပေါ်ရှိမြင်သာသည့်တနေရာတွင် ပြသထားသည်။ အလေးထည်ပစ္စည်းများကိုလိုသည့်နေရာသို့ အချိန်တိုအတွင်း အန္တရာယ်ကင်းရှင်းစွာရောက်ရှိရန် အချက်ပြစနစ်ကိုအသုံးပြုသည်။ အချက်ပြစနစ်ကိုပုံဖြင့်ဖေါ်ပြထားသည်။ အလေးထည်ပစ္စည်းများကိုလိုသည့်နေရာသို့ အချိန်တိုအတွင်း အန္တရာယ်ကင်းရှင်းစွာရောက်ရှိရန် အချက်ပြစနစ်ကိုအသုံးပြုသည်။ အချက်ပြစနစ်ကိုပုံဖြင့်ဖေါ်ပြထားသည်။
Health & Safety Environment
ကရိန်းအသုံးပြုသူများသည် သဘာဝပါတ်ဝန်းကျင်နှင့်ဘေးအန္တရာယ်ကင်းရန်အတွက် အထူးဂရုပြုရမည်။ကာကွယ်ရေးပစ္စည်းများကိုအသုံးပြုရမည်။

ရွေ့လျားနှင့် အထိုင်
ဆိပ်ကမ်း၊ သင်္ဘော စသည့်နေရာ များတွင်အသေတပ်ဆင်ထားသည့်အမျိုးအစားနှင့် ရွေ့လျားနိုင်ရန် ယာဉ်နှင့် အခြေဘီးလုံးတပ် ရွေ့လျားကရိန်: ဟူ၍ရှိပြီး အထပ်မြင့်များအတွက် Tower Crane ဆိုသည်လည်းရှိပေသည်။  ရွှေ့ပြောင်းတင်/ချမည့်ပစ္စည်းများ အပျက်အစီးမရှိရန်အထူးဂရုစိုက်မှသာ လုပ်ငန်းဆောင်တာများပြီးမြောက်မည်။ ဝန်ချီစက်မောင်းများအတွက် အခြေခံ နှင့် ကျွမ်းကျင်၊ H S E စသည့်သင်တန်းများနှင့် မွမ်းမံသင်တန်များ လည်းရှိပါသည်။ တက်ရောက်သင်ကြားတတ်မြောက်ပြီးသူများမှာမူကား  တကယ့်လက်တွေ့လုပ်ငန်းခွင်တွင် အခက်အခဲမရှိ လုပ်ငန်းဆောင်တာများကို လုပ်ဆောင်နိုင်သည်။ ဘေးအန္တရာယ်ကင်းရှင်းရေးအတွက် လည်းကြိုတင်တွက်ဆနိုင်သည်။ အချက်ပြစနစ်များ၊ ဘိနပ်၊ ဦးထုပ်၊ လက်အိတ်၊ ရောင်ပြန်များစသည့် အန္တရာယ်ကင်းဝတ်စုံများကိုလည်းစနစ်တကျ အသုံးပြုနိုင်သည်။

ဝန်ချီစက်တွင်စက်သီးများကိုလည်းအသုံးပြုရသည်။စက်သီး၏အလုပ်သည် ဝန်ကိုပိုမိုပေါ့ပါးစေသည်။
စက်သီး ၁လုံးထက်ပိုမိုအသုံးပြုပါက ဝန်သည်ပို၍ပေါ့ပါးသည်။ စက်သီးနှင့်ဝန်အချိုးကိုလည်းဖေါ်ပြထားသည်။
စက်သီးကို ရှေးနှစ်ပေါင်းများစွာမှစ၍ ယခုတိုင်အသုံးပြုနေကြဆဲဖြစ်သည်။ ဝန်ချီစက်နှင့်စက်သီးအချိုးညီမျှစွာသုံးလျင်ကားခက်ခဲလေးလံသည့်အလုပ်များမှာအလွယ်ချောမွေ့၍ သွားတော့သည်။
           ချီပိုးသယ်မသည့်ဝန်သည် အရွယ်စုံ၊ ပုံသဏ္ဌာန်စုံ၊ အမျိုးအစားစုံလင်ပြီး လူတို့၏ကိုယ်အလေးချိန်ထက် အဆပေါင်းများစွာ လေးသည်ဖြစ်ရကား အချိန်မရွေးအန္တရာယ်ကျရောက်နိုင်သည်။ နိုင်ငံတကာ စံညွှန်းအချက်ပြစနစ်များ၊ သဘာဝပါတ်ဝန်းကျင်နှင့် ဘေးအန္တရာယ်ကင်းရှင်းရေး ဆောင်ရွက်ချက်များကိုလိုက်နာ ပြီး မိမိတို့အလိုရှိသည့်လုပ်ငန်းဆောင်တာများကိုလုပ်ဆောင်နိုင်ပါစေကြောင်း Builder Mall မှဖေါ်ပြလိုက်ပါသည်။