ဆောက်လုပ်ရေးလောက၌ CaCO3 တကယ်အသုံးဝင်ပုံ
ပုံ ၁။ Gridding Mill's 3D Drawing
ကျွနုပ်တို့ပါတ်ဝန်းကျင်ရှိ အသုံးအဆောင်ပစ္စည်းများအတွက် Calcium Carbonate ခေါ်ထုံးကျောက်မှုန့် ကိုတွင်ကျယ်စွာ အသုံးပြုကြသည်။ ထို့ပြင်ဆောက်လုပ်ရေးလောကရှိ အသုံးဆောင်ပစ္စည်းများ၊ ကုန်ကြမ်းနှင့်ကုန်ချော ပစ္စည်းများထုတ်လုပ်ရာတွင်လည်း အသုံးပြုကြသည်။ ဓါတုဗေဒအခေါ် Calcium Carbonate ခေါ်ပြီး CaCo3 ဟု အတိုသတ်မှတ်သည်။ ပလပ်စတစ်ထုတ်ကုန်များ၊ ရာဘာပစ္စည်းများ၊ အပင်များ၏အာဟာရဖြစ်သည့် မြေဩဇာမှုန့်များ၊ ပေါင်ဒါမှုန့်နှင့်အခြားသောအလှကုန်ပစ္စည်းများသာမက ဆောက်လုပ်ရေးဆိုင်ရာလုပ်ငန်းသုံးပစ္စည်းမျိုးစုံကိုထုတ်လုပ်ကြသည်။
ပုံ ၂။ ဘက်စုံသုံး ကယ်စီယမ်ကာဗွန်နိတ်
ပလပ်စတစ်ထုတ်ကုန်များကို အရောင်နှင့်မာဆင့်တက်စေရန်အတွက် ထည့်သွင်းအသုံးပြုသည်။ရာဘာပစ္စည်းများနှင့် အဝတ်အထည်များကို အဆွဲအရုန်းနှင့်အဖိအနှိပ်ခံနိုင်စေရန်၊ အသုံးပြုပြီး မြေအချဉ်အငံပြုပြင်ရန်၊ အသီးအနှံအထွက်တိုးစေရန်အတွက် Gypsum Powder, Dolomite Powder အဖြစ်အသုံးပြုသည်။ အလှကုန်ပစ္စည်းများနှင့် ပေါင်ဒါမှုန့်များအတွက်လည်းအသုံးပြုသည်။ ဆောက်လုပ်ရေးဆိုင်ရာလုပ်ငန်းများတွင် အသုံးပြုသည့် Adhesives & Sealants ခေါ်ကော်များ၊ သုတ်ဆေးများ ၌ Coating & Inks အဖြစ်အသုံးပြုသည်။ အုတ်၊ ကွန်ကရိဘလောက်တုံး၊ ကြွေပြားများပြုလုပ်ရာတွင်လည်းထည့်သွင်းအသုံးပြုသည်။Calcium Carbonate ထုံးကျောက်ကုန်ကြမ်းကို Grinding Mill တွင် ကြိတ်၍အမှုန့်ရရှိစေသည်။ မှုန့်ညက်စွာကြိတ်ထားသည့် Calcium Carbonate သည် သန့်စင်မှု(Purifying) 82 % မှ 98 % အထိရှိသည်။
ပုံ ၃။ အမိုးအတွက်ကွန်ကရိစလက်လောင်းရန်ပြင်ထားပုံ
ရေတွင်ပျော်ဝင်ပါသလား ။ ။ အထူးသန့်စင်သည့်
CaCO3 သည်ရေတွင်လုံးဝမပျော်ဝင်၊ ရေခွက်ထဲတွင်ဆေးမှုန့်ကိုထည့်၍ညသိပ်စိမ်ထားလျင်ရေတွင်ပေါ်နေမည်။ နောက်နေ့တွင်လည်းဆေးမှုန့်များဆက်လက်၍လည်းပေါ်နေမည်။ ရေခွက်ထဲသို့လက်နှစ်၍ ဆေးမှုန့်များကိုဆယ်ယူကိုင်ကြည့်လျင်ရေမစိုကြောင်းတွေ့ရမည်။ ဤအချက်သည် ရေလုံကြောင်း၊ရေတားကြောင်း အထူးသက်သေပြချက်ပင်ဖြစ်သည်။ ရေတွင်မပျော်ဝင်သော်လည်း အက်စစ်၊ ရှာလကာရည်တို့နှင့်ဓါတ်ပြုသဖြင့် အသုံးပြုရာတွင်ရေသန့်ရှင်းရန်လိုအပ်သည်။ အောက်ပါညီမျှခြင်းကိုကြည့်ပါ။
ပုံ ၄။ လေခို၊ ရေယို ဆွေးမြေ့
Calcium Carbonate ကိုအခြေခံ၍ အထူးထုတ်လုပ်ထားသောပစ္စည်းမှာ IMPERMO(အင်ပါမို) ခေါ် Waterproofing Compound ဖြစ်သည့် ရေလုံဆေးမှုန့်ပင်တည်း။ ရေလုံရန်နှင့်ရေတားရန်အတွက် အင်ပါမိုဆေးမှုန့်ကို ဘူးတွင်ပါသည့်အချိုးအစားအတိုင်း ကွန်ကရိနှင့်ရောဖျော်ရန်သာဖြစ်သည်။ Impermo ထုတ်လုပ်သည့် ကုမ္ပဏီများက မိမိတို့၏ကိုယ်ပိုင်ဖေါ်မြူလာများဖြင့် waterproofing compound အဖြစ်ထုတ်လုပ်သည်။ Impermo တွင် Calcium Chloride(CaCl2)မပါဝင်ချေ။
ဘယ်နေရာမှာသုံးသလဲ။ ။ ရေကန်၊ ရေကူးကန်၊ အမိုးစလက်၊ အောက်ခံအုတ်မြစ်ချခြင်း၊ မိလ္လာကန်များ၊ အထူးသဖြင့်နံရံစီချောလုပ်ငန်းများတွင်ပြင်ပရေမဝင်ရန်၊ ရေချိုးခန်းနှင့်အိမ်သာများ၊ ထို့ပြင်ဆည်မြောင်းတာတမံများ၊ retaining wall ခေါ်မြေထိန်းနံရံများနှင့် ရေလုံရန်လိုအပ်သည့် တည်ဆောက်ရေးလုပ်ငန်း နေရာမျိုးစုံတွင်အသုံးပြုသည်။
ဆောက်လုပ်ရေးလောက၌ ရေမလုံဘဲ ရေယိုစိမ့်ခြင်းများဖြစ်ပေါ်လာလျင် မည်မျှပင်နာမည်ကြီးသည့် ကုမ္ပဏီကြီးဖြစ်စေ၊ ကန်ထရိုက်တာဖြစ်စေ၊ လက်သမားဆရာ၊ ပန်းရံဆရာဖြစ်စေ နာမည်ပျက်၊ လုပ်ငန်းပျက်မည်မှာအမှန်ပင်ဖြစ်သည်။ ထို့ကြောင့် Impermo ခေါ် Water Proofing Compound Powder ကိုစနစ်တကျအသုံးပြုတတ်ရန်နှင့်မဖြစ်မနေသုံးစွဲကြရန် အခြေခံအကျဆုံးသောအပိုင်းကို Builder Mall မှရေးသားတင်ပြလိုက်ပါသည်။
#Builder Mall
#water proofing
#Impermo
