အခြေမှအမိုးထိသိရှိလိုက်နာဖွယ်ရာများ

     လုပ်ငန်းခွင်တခုလုံးအတွက် ပုံစံနှင့်ဒီဇိုင်းကိုအသေးစိတ်( Detail Drawing ) ပြုလုပ်ကြသည်။ အင်ဂျင်နီယာချုပ်၊ တာဝန်ခံအင်ဂျင်နီယာ နှင့်သက်ဆိုင်ရာအင်ဂျင်နီယာတို့က ထိုပုံစံဒီဇိုင်းအတိုင်း အဆင့်ဆင့်တာဝန်ခွဲဝေ၍လုပ်ငန်းဆောင်တာများကိုစတင်ကြတော့လေသည်။
– ဖောင်ဒေးရှင်းတူးခြင်း
မြေနေရာ ပန္နက်ရိုက်သတ်မှတ်ပြီး၍ ဖောင်ဒေးရှင်းအမျိုးအစားအလိုက်(Bored Pile/ Press Pile / Mat foundation) မြေစာနှင့်ရေဆိုးတို့ထွက်လာမည်။ ပစ်မည့်အပိုင်းထားရန်နေရာနှင့် ပြန်သုံးရန်အပိုင်းကို ကျင်းမှ ၂ပေ  ၃ ပေအကွာတွင်ထားပြီးအလွှားလိုက်ပြန်ဖို့၍ ရေဖျန်းခြင်း၊ ဒင်ဆောင့်ခြင်းတို့ဖြင့်သိပ်သည်းစေသည်။ လိုအပ်လျင် သဲ၊အုတ်ကျိုးများ ထပ်မံဖြည့်ပြီးရေနှပ်ထားရသည်။ ပတ်တန်းခိုင်မာရပြီးလိုင်းကျင်း ကျောက်ပုံး(form work) တွင်ပြင်ပရေဆိုးရေညစ်မဝင်နိုင်ရန်နှင့် ကွန်ကရိတို့လေလွင့်ထွက်မသွားရန်ဂရုပြုရမည်။ ပလပ်စတစ်စခံ၍လုပ်ဆောင်နိုင်သည်။

– စီချောလုပ်ငန်း
    ရေဖျန်းခြင်း၊ ရေစိမ်ခြင်းတို့မှာ အုတ်စီ၊ကြွေပြားကပ်လုပ်ငန်းများအတွက်မဖြစ်မနေလုပ်ဆောင်ရမည်ဖြစ်ရာ သုံးရမည့်ရေနှင့် ပုံးခွက်များလည်းစီစဉ်ထားရှိရမည်။
– နံရံကိုအုတ်စီသည်ဆိုရာ၌ (Column) တိုင်နှစ်လုံးကြားနှင့်အပေါ်ကျောက်ထုပ်တန်းကြားအုတ်စီခြင်း နှင့် ဘိလပ်မြေသရွတ်(မဆလာ)ချောခြင်းပင်ဖြစ်သည်။ တိုင်တွင် (Dowel Bar/Mesh) များတပ်ထားပြီးဖြစ်သည်။
ဤသည်ကိုပန်းရံဆရာမှလုပ်ကိုင်ဆောင်ရွက်သည်။ (Column) တိုင်နှစ်လုံးအကြားတွင် အုတ်ကိုတလွှားခြင်း တလွှားခြင်းစီတက်သွားရာ နောက်ဆုံးအပေါ်ကျောက်ထုပ်တန်း(Beam) သို့ရောက်လေတော့သည်။ အုတ်အလွှားနှင့် ကျောက်ထုပ်တန်းကြားမှာမထိမစပ်ဘဲ လွတ်၍နေတော့သည်။ ဤကားဖြစ်မြဲဓမ္မတာတည်း။ လွတ်နေသည့်နေရာသို့ ဘိလပ်မြေသရွတ်(မဆလာ)ကိုစေ့စေ့စပ်စပ်ထည့်နိုင်မှ ရေလုံမည်။ အုတ်နှင့် ကျောက်ထုပ်မှာထုထည်ကွာခြားခြင်း၊ သန်လျက်အဝင်ခက်ခဲခြင်းတို့ကြောင့် လစ်ဟာမှုများရှိနိုင်ပါသည်။

အတွင်းအပြင်နှစ်ဘက်ချောနိုင်လျင်အဆင်ပြေသော်လည်း အခြေနေမပေး၍တဘက်သာချောရမူကား ကာလအနည်းငယ်ကြာသော်ရေယိုစိမ့်မှုနှင့်ကြုံရတော့သည်။ အထူးဂရုပြုရမည်သာတည်း။ နံရံကိုလည်း တနေ့ ၃ ကြိမ်၊ တပတ်/ ၁၀ ရက်ခန့် ရေပက်ဖျန်းပေးရမည်။
– ကွန်ကရိဖျော်စပ်ရေမှာ လူတို့သောက်သုံး၍ရသည့်ရေအမျိုးစားဖြစ်ရမည်။ အချဉ်/အငံများခြင်း၊ ကန့်ဓာတ်၊ ဆားဓာတ်များနေပါကလည်း ကွန်ကရိအာနိသင်လျော့ကျစေသည်။

ငြမ်းဆင်ခြင်း
ဝါးငြမ်း၊ သစ်သားငြမ်း၊ သံငြမ်းများဆင်ရာတွင် နံရံမှ  ၂ပေခွဲ (သို့မဟုတ်) ၃ ပေ ခွာထားပြီး  တိုင်အကျယ်မှာလည်း ၃ ပေ၊ ၄ ပေ ခန့်ကွာခြားရမည်။ ငြမ်းအင်ဂျင်နီယာ၏ ငြမ်းဒီဇိုင်းအတိုင်းသေသပ်ကျနစွာဆင်ရမည်။ သို့မှသာပစ္စည်းအထုတ်အသွင်းလွယ်ကူချောင်ချိမည်။ အဆောက်အဦအတွက်ငြမ်းဆင်ရာတွင်ပေါ့ပေါ့တန်တန်မလုပ်ရ။ အဆောက်အဦမပြီးမချင်းခိုင်ခံ့ရန်အထူးလိုအပ်သည်။ထို့ပြင် လူနှင့် ပစ္စည်းများလွယ်ကူစွာ တင်နိုင်/ချနိင်ရပေမည်။

လှေခါး၊ တံခါးများ
လှေခါးအတွက် အသေးစိတ်ရေးသားခဲ့ပြီးလေပြီ။ မြန်မာနှင့် နိုင်ငံခြားတိုက်ဆိုင်မှုမှာ လှေခါးထစ်ကို “မ” ဂဏန်းထားခြင်းပင်တည်း။ ထို့ပြင်ပထမထစ်ကို ရာဇ၊ ဒုတိယထစ်ကိုမရဏ တတိယထစ်ကိုလာဘ ဟူ၍မှတ်ပြီးအစဉ်အတိုင်းတက်သွားရာ မရဏကျသည့်အထစ်( ၂ ၊ ၅၊ ၈၊ ၁၁ ) တို့ကိုရှောင်ကြသည်။
တခါးအရွယ်အစားယူပုံမျိုးစုံရှိသည်။ ယေဘုယျ အများအယူကိုဖေါ်ပြပါသည်။ နံရံအမြင့်/ အခန်းအမြင့် ၏ တစိတ်(လေးပုံတပုံ) နှင့် ၄.၅ ပေ ပေါင်းက တခါးအမြင့်ရသည်။ တခါးအမြင့်ထဲကမှ ၄ပေကိုနုတ်လျင်  တံခါးအကျယ်ကိုရသည်။ အကြမ်းဖျင်းတွက်ကြည့်ကြကုန်။ တံခါး တို့သည်ကား ပင်မတံခါး၊ နောက်ဖေးတံခါး၊ မလွယ်ပေါက်၊ လျို့ဝှက် စသည်ဖြင့်ရှိရာ အမြင့်၊အကျယ်တို့ကိုသင့်သလိုစီမံကြရသည်။ တခါးများကိုလုပ်ငန်းများအားလုံးပြီးစီးမှတပ်ကြသည်။

ဆေးသုတ်အလှဆင်ခြင်း
အချောထည်လုပ်ငန်းများပြီးသော် အတွင်း၊အပြင်၊ တံခါး၊ အခန်း များကိုဆေး နှင့်ပေါလစ်များသင့်လျော်သလိုအလှဆင်ရတော့သည်။ ရေဆေး၊ ဆီဆေး စသဖြင့်ရှိပြီး အဓိကမှာ ခံဆေးဖြစ်သည်။
ရာသီဥတုစိုစွတ်လျင်ဆေးသုတ်ရန်မသင့်ပေ။
အမိုးမိုးခြင်း
အမိုးမိုးရန်အတွက်ထုပ်လျောက်ဒိုင်းမြား အဆင့်ဆင့်တပ်ဆင်ဆောက်လုပ်ပြီးက အမိုးမိုး၍ရပေပြီ။ အောက်ခံပြား၊အပူခံပြားစသည်ဖြင့်ထည့်မိုးပြီးနောက်ဆုံး PPGL ခေါ်ရောင်စုံအမိုးပြားများကိုအုပ်မိုးသည်။ အမိုးစွန်းများအနည်းငယ်မညီမညာဖြစ်လေ့ရှိတတ်သည်။ အစွန်းထွက်များကိုဖြတ်ရာတွင် ကတ်ကျေးဖြင့်သာဖြတ်ရမည် ဖြတ်စက် (Gridding Machine) မသုံးရပါ။ ပွတ်တိုက်မှုအပူကြောင့် သုတ်လိမ်းထားသည့်ဆေးသားများမီးလောင်ပျက်စီးပြီး သံချေးတက်သောကြောင့်တည်း။ ရေတံလျောက်(Gutter& Valley Gutter) နှင့်ရေဆင်းပိုက်များတပ်ဆင်ပြီးပါကလုပ်ငန်းပြီးဆုံးပြီဟုဆိုရပေမည်။ အဆောက်အဦတခု၏အခြေမှ အမိုးထိ သိမှတ်ဖွယ် လိုက်နာဖွယ် များစွာအနက်မှ အစိတ်အပိုင်းတချို့တဝက်သာဖြစ်လေတော့သည်။

#Builder Mall