ရေချိုးခန်းနှင့်အိမ်သာခန်းတို့၏အပြင်အဆင်

ပုံ ၁။ လက်ဆေးခွက် အနိမ့်အမြင့် အကွာအဝေး

မီးဖိုခန်းအဆင်အပြင်၊ ရေချိုးခန်း နှင့်အိမ်သာတို့၏ အကျယ်အဝန်းနှင့် အဆင်အပြင်အထားအသို ဒီဇိုင်းကို တွက်ချက်ဖေါ်ပြထားပါသည်။ ရေပိုက်လိုင်း၊မီးပိုက်လိုင်းများကိုလည်းထည့်သွင်းဖေါ်ပြထားပါသည်။ နေအိမ်အဆောက်အဦတို့သည် အကျယ်အဝန်းအမျိုးမျိုးရှိသော်လည်းယခုအခါတွင် လူသုံးအများဆုံး၊ အသုံးအဝင်ဆုံးအခန်းအနေအထားနှင့် အတိုင်းအတာကိုဖေါ်ပြထားပါသည်။ နေအိမ်အဆောက်အဦးကျယ်ဝန်း၍နေရာပေးနိုင်လျင်ရေချိုးခန်း၊အိမ်သာတို့ကိုအတန်အသင့်ကျယ်ဝန်းစွာဆောက်လုပ်နိုင်သည်။ အခန်းကျဉ်းသည်ဖြစ်စေ၊ ကျယ်သည်ဖြစ်စေ စနစ်တကျထားသိုနိုင်သည့် အခန်းပုံစံဒီဇိုင်းကိုဖေါ်ပြထားသည်။

ပုံ ၂။ ရေချိုးခန်းအနေအထား

ပုံ ၁ တွင်ဖေါ်ပြထားသည့် နံရံကပ် ဘီရို လက်ဆေးခွက်အနိမ့်အမြင့်၊ လက်ဆေးခွက်အနံ တို့ကိုဖေါ်ပြထားသည်။
ပုံတွင် လူ၏အရပ်၊ လက်နှင့် ဦးခေါင်းတို့၏အနေအထားကိုဖေါ်ပြထားသည်။ လွတ်နေသည့် 150mm မှာကြိုး၊ ပိုက်စသည်တို့အတွက်နေရာချန်ထားခြင်းဖြစ်သည်။
ပုံ ၂ တွင်ဖေါ်ပြထားသည်မှာ လူ၏ပျမ်းမျှအရပ်အမြင့် 1800 mm နံရံကပ် ရေပန်းကရား နှင့် ရေအဖွင့်ပိတ်ခလုတ် တို့၏အနိမ့်အမြင့်တို့ကိုထည့်သွင်းရေးဆွဲထားသည်။ ရေချိုးခန်း၏အကျယ်သည်မည်သို့မျှမကျယ်ဝန်းပေ။ ၃ပေခန့်သာကျယ်ဝန်းသည်။ ရေချိုးခန်းနှင့်အိမ်သာအကျယ်မှာ 1800mm(၆ပေခန့်) သာရှိသည်။ ထိုအခန်းကျဉ်းအတွင်း စနစ်တကျနေရာချထားသဖြင့် ရေချိုးခန်းနှင့်အိမ်သာတွဲလျက်ထားနိုင်သည်။

ပုံ၃။ ပြီးပြည့်စုံသောရေချိုးခန်းပုံစံ

ယခုပြထားသည့်ပုံမှာ အိမ်သာနှင့်လက်ဆေးခွက်တို့၏ အနိမ့်မြင့်အတိုင်းအတာများဖြစ်သည်။ အထူးသဖြင့် အရပ် အနိမ်းအမြင့်ပျမ်းမျှတွက်ထားခြင်းဖြစ်သည်။ ပုံအရလကျာဘက်တွင် အိမ်သာ၊ ကျောတွင် လက်ဆေးခွက်နှင့်ကြည့်မှန်၊ လက်ဝဲနံရံတွင် ရေပန်းကရားနှင့်ခလုတ်များပါရှိသည်။ ပြီးပြည့်စုံသောရေချိုးခန်းတစ်ခု၏ပုံစံဖြစ်သည်။ ရေပန်းကရားပုံကို ပုံ ၂ တွင်ပြသပြီးဖြစ်၍ထည့်သွင်းမ‌ရေးထားပါ။ ဤတွင် လူအရပ် 1800mm နှင့် ကြွေအိုး၊ ကြည့်မှန်၊ လက်ဆေးခွက်၊ ရေပန်းတို့၏အကွာအဝေး၊ အနိမ့်အမြင့်ကိုဖေါ်ပြပေးထားပါသည်။ တန်ဘိုးနည်းအိမ်ခန်း၊ တည်းခိုခန်းနှင့်အဆောင်များအတွက် လွန်စွာအသုံးတည့်လေသည်။
အဓိကပြောကြားလိုသည်မှာ ရေချိုးခန်းအတွင်းမဖြစ်မနေထည့်သွင်းရမည့်ပစ္စည်းများကို ကြိုက်သလိုထားလျင်ဖြစ်သလိုနေရာယူပြီး ဒီဇိုင်းအတိုင်းစနစ်တကျထည့်သွင်းလျင် အခန်းကျဉ်းသည်ဆိုသော်ငြားလည်း အံဝင်ခွင်ကျလိုက်လျောညီထွေ အသုံးတည့်ပေလိမ့်မည်။