ရေကူးကန်လေးတည်ဆောက်လိုလျင်

ရေကူးကန်ကို မြေပြင်၊ အထပ်မြင့်၊ အိမ်တွင်း၊ ခြံဝင်းအတွင်း တို့တွင်နေရာအလိုက် အကြီးအသေးဆိုက်စုံဆောက်လုပ်နိုင်သည်။ နေအိမ်များ၊ ဟိုတယ်များ နှင့်အများပြည်သူများသုံးရန်အတွက်ဆောက်လုပ်ကြသည်။ ကွန်တိန်နာအဟောင်းဖြင့်တည်ဆောက်လိုပါကလည်းရေဖိအားကြောင့် ကွဲမထွက်ရန်လည်းလိုအပ်သည်။ မြေပြင်တွင်ကွန်ကရိဖြင့်တည်ဆောက်မှုကအများဆုံးဖြစ်သည်။ အခြားသောအမျိုးအစားထက် နောက်ဆက်တွဲပြုပြင်ထိမ်းသိမ်းရေးလုပ်ငန်းများလွယ်ကူသောကြောင့်ပင်တည်း။ Concrete Swimming Pool ရေကူးကန်တခုတည်ဆောက်မည်ဆိုလျင် ရှေးဦးစွာ ကွင်းဆင်းလေ့လာပြီးပုံစံထုတ်တွက်ချက်ပြီးလျင် တည်ဆောက်၍ရပေပြီ။ မြေတူးခြင်း၊ မြေညှိခြင်း၊ သံကူကွန်ကရိဖြင့် ကြမ်းခင်းပိုင်း၊ နံရံပိုင်းများတည်ဆောက်ခြင်းကိုလုပ်ဆောင်လေသည်။

ကွန်ကရိအချိုးမှာ M20 နှင့်အထက်ဖြစ်ရမည်။ သံထည်မှာလည်း Grade 60 Steel ဖြစ်ရပေမည်။အချို့ကလည်းကိုယ်ပိုင်ဒီဇိုင်း i Panel ဖြင့်လည်းတည်ဆောက်ကြသည်။
ထို့နောက် ရေအထုတ်အသွင်းလုပ်ရန်၊ ရေလဲလှယ်ရန်နှင့် ရေကန်သန့်ရှင်းရေးလုပ်ရန်အတွက် ရေစစ်၊ ပန့်၊ ရေအောက်မီးလုံး၊ PVC လိုင်းများ Steel Cage, Pump & Filter, ဒီဇိုင်းလိုအပ်ချက်အရ Heater လည်းတပ်ဆင်ကြသည်။
အချောသပ်လုပ်ငန်းများလုပ်ကိုင်ပြီးနောက် Water Proofing of Concrete လုပ်ငန်းအဖြစ် ကြွေပြားကပ်ခြင်း၊ ဖန်ထည်၊ မှန်ထည်၊ ကျောက်ပြား၊ မီးလုံးများ Epoxy နှင့် အခြားကြိုက်ရာရေလုံ ဆေးများ ကိုသုံး၍ အလှဆင်အချောသပ်ပြီးစီးလျင် ရေထည့်၍သုံးနိုင်ပေပြီ။ ထို့ပြင် အမိုးလည်းတပ်ဆင်နိုင်ပေသေးသည်။ ပုံမှာရေကူးကန်၏ဖြတ်ပိုင်းပုံဖြစ်သည်။

 အချက်လက်များကို ရေကူးကန်တည်ဆောက်ခြင်း၊ ပြုပြင်ထိမ်းသိမ်းခြင်းနှင့် စက်ပစ္စည်းများရောင်းချသည့် Mata Group Myanmar Co., အခန်း 501, တော်ဝင်လမ်းနှင့် ပြည်လမ်းထောင့် ၉ မိုင် ဖုန်း 09-985856 161 သို့ဆက်သွယ်ရန်နှင့် JD Pools Myanmar, 266 ဝေဇယန္တာလမ်း၊ တောင်ဥက္ကလာပ၊ ဖုန်း 09-7934 91119 တို့မှပေးပို့ရယူပါသည်။
ရေကူးကန်တို့သဘောမှာ တည်ဆောက်ပြီးသွားသော်လည်း After Sales Services ခေါ်နောက်ဆက်တွဲ လုပ်ငန်းစဉ်များ၊ ပြုပြင်ထိန်းသိမ်းရေးလုပ်ငန်းများအတွက် ရေကူးကန်သုံးဆေးများ၊ စက်ပစ္စည်းများနှင့် ရေကူးကန်သုံးဆက်စပ်ပစ္စည်းများကို ဖေါ်ပြပါကုမ္ပဏီများမှရရှိနိုင်လေသည်။ သန့်ရှင်းရေးသုံးပစ္စည်းများ၊ ရေမော်တာ၊ ပန့်၊ ပိုက် နှင့် ရေအောက်ထွန်းမီးလုံးများ ကိုလည်းရရှိနိုင်ပါကြောင်းနှင့် လုပ်ငန်းများလည်းအပ်နှံနှိုင်ပါကြောင်း ရေးသားအပ်ပါသည်။