ပဌမံ ၄၉ အင်းတော်ကြီး

အတိုက်အခိုက်အစီအမံများပြေပျောက်ရန်နှင့် စီးပွားလာဘ်လာဘတိုးတက်စေရန် ဤအင်းတော်ကြိးကို ဆောင်ကြ သောက်ကြသည်။ ခုနစ်ကွက်အင်းဖြစ်၍ ၇x၇= ၄၉ ကွက်ရှိသည်။ အင်းဆံသွင်းရာတွင်
မြင်းသွားဖြင့်ထည့်သွင်းရသည်။ စစ်တုရင်ကွက်ရွှေ့ရာတွင် စစ်မြင်းခုန်သည့်အတိုင်း အထိုင်တစ်ကွက်ကျော်၏ ဝဲဘက်နှင့်ယာဘက် သည်အချကွက်ဖြစ်လေသည်။

ပဌမံဂါဌာတော်ကြီးမှာ အက္ခရာ၄၈လုံးရှိပြီး အလယ်ခေါင်သည်ကား ဆောင်လိုသူ၏နာမ်ကိုသွင်းရသည်။ဂါထာတော်ကြီးကား – ပ ဌ မံ သ က လ က္ခ ဏ, မေ က ပ ဒံ ဒု တိ ယာ ဒိ, ပ ဒ ဿ, နိ ဒ ဿ န တော။ သ မ နီ, ဒု နိ မာ, သ မ ဒူ, သ နိ ဒူ, ဝိ ဘ ဇေ, က မ တော,ပ ဌ မေ န ဝိ နာ။ အက္ခရာပေါင်း ၄၈ လုံးရှိသည်။

အင်းကွက်များသည် အလျားလိုက် ၇ ကွက် ဒေါင်လိုက် ၇ ကွက် ကိုအမှတ်စဉ်များတပ်ထားလျင်အင်းကွက်ပေါင်း ၄၉ ကွက်ရသည်။ အလယ်ခေါင်မှ နာမ်သွင်းကွက်ကိုဖယ်ထားလျှင် ၄၈ ကွက်ကျန်သည်။ အင်းဆံ၏ အစစာလုံး “ပ” ကို စတင်သည့်အကွက် အမှတ် ၁ မှ မြင်းသွားအတိုင်းသွင်းသွားပြီး နောက်ဆုံး “၄၈နာ”တွင်ဆုံးသည် “၄၉ အလယ်တွင်မိမိ၏နေ့နာမ်” ကိုထည့်သွင်းရသည်။ အင်းတစ်ချပ်ရပေပြီ အမှတ် ၁ ဟုမှတ်ထားပါ။ “ပ” ကို အမှတ် ၂ မှစ၍အထက်ပါအတိုင်းချလျင် အင်းအမှတ် ၂ ရပေပြီ။ ထိုနည်းအတိုင်း အစကွက်ကို ၄၈ ကြိမ်ပြောင်း၍ချလျင် အင်းပေါင်း ၄၈အင်းရပြီ။

ယခုဖေါ်ပြထားသည်မှာ “ပ” လေးလုံးသည် မည်သည့်နေရာကကြည့်ကြည့် အလယ်လိုင်းများ၏ အလယ်ခေါင်တွင်ရှိနေသည်ကိုထူးခြားစွာတွေ့နိုင်သည်။ အထူးသဖြင့်”ပ” ထောင့်လေးထောင့်တွင်ကျပါမူကား ကာယ ပီယ ဣစ္ဆာသယ လိုရာရပေပြီ၊ အလုံးစုံအောင်ပေပြီ။ ထိုအင်းကိုအောင်သူများရှိသော်လည်း တနည်းနည်းဖြင့်ပျက်သည်ဖြစ်၍မည်သူမျှတင်ပြနိုင်ခြင်းမရှိပေ။ ဝါသနာပါသူများ ကြိုးပမ်းအားထုတ်နိုင်သည်။
ပဌမံအင်းတော်ကြီးကို အမှတ်စဉ်များတပ်၍ဖေါ်ပြအပ်ပါသည်။ စပ်လျဉ်းသမျှတင်ထားကြသောဖေ့စ်ဘုတ်, တယ်လီဂရမ်တို့မှပညာရှင်များနှင့် ဝိဇ္ဇာမဟိဒ္ဓိမဟာပဌမံကျမ်းပြုပညာရှင်၊ တို့အားအထူးပင်ကျေးဇူးတင်ပါကြောင်းမှတ်တမ်းပြုအပ်ပါသည်။