တပို့တွဲလ ထမနဲပွဲတော်

ထမနဲထိုးနည်း အကျဉ်းတင်ပြပါသည်။

လိုအပ်သည့်ပစ္စည်းများ။
၁။ ထမနဲထိုးမည့်နေရာ
   အတန်အသင့်ကျယ်ဝန်း၍ ညီညာပြန့်ပြူးရမည်။  မီးဖိုအတွက်ပြင်ဆင်ထားရမည်။

၂။ မိုးဗြဲဒယ်၊ တက်ရှည် ၂ချောင်း၊ သံယောင်းမ၊ ဆန်ကော၊ ဆန်ခါ၊ လက်နှီး၊ ထင်း၊ ထင်းပေါက်၊ မီးခြစ်နှင့် အခြားလိုအပ်သည့်ပစ္စည်းများ။

၃။ အချိုးအစားအတိုင်းပြင်ထားသည့် အထက်တွင်ဖေါ်ပြထားသည့် အဆာပလာများ။

ထမနဲထိုးနည်း

 မီးမွှေးပြီးဒယ်တင်ပါ။ ဆီထည့်ပြီးပူလာလျင်အုန်းသီးစိတ် တဝက်ထည့်ကြော်၊ မြေပဲဆန် တဝက်ထည့်ကြော်ပီး ဆယ်ထားပါ။ ချင်း၊ ကြက်သွန်နီ-ဖြူ တို့ထည့်။ ထို့နောက်ကောက်ညှင်းထည့်၊ ရေထည့်ပြီး အဖုံးဖုံးထားပြီးချက်ပါ။ ရေခန်းစပြုလျင် ငှက်ပျောရွက်ဖြင့်အငွေ့လုံအောင်အုပ်၍ မီးလျော့ပြီးနှပ်ထား။ သံယောင်းမဖြင့် မွှေပေးပြီး ရေနှင့်ဆား၊ အဆာပလာများ အနည်းငယ်ထည့်မွှေပါ။ လိုသလိုမီးလျော့ပြီး တက်နှစ်ချောင်းနှင့်မွှေပါ။ အရသာရှိသောထမနဲကိုရရှိလေတော့သည်။
ဒယ်အမြောက်အများ နှင့်ထမနဲထိုးနည်း။

သင့်လျော်ရာမြေပြန့်ကျယ်တွင် မြေတူး၍ရလျင် အလျား ၃ ပေ  အကျယ် ၁ ပေခွဲ အနက် ၁ပေ ခန့်မြေကျင်း ၂ကျင်းကို ၁ကျင်းနှင့်၁ကျင်း ၁၀ပေခန့်ခွာ၍မီးဖိုကျင်းတူးသည်။ မြေကျင်းတူးမရလျင် မီးဖို ၂ဖိုပြင်ထားသည်။ ဖို ၁ နှင့် ၂ ဟုမှတ်ထားပါ။ ဖို ၁ တွင်မီးမွှေးပြီး ဒယ်တင် ဆီထည့်ပြီးပူလာလျင် အုန်းသီးစိတ်ကိုတဝက်ထည့်ကြော်၊ မြေပဲဆန်လည်းတဝက်ထည့်ကြော်ပြီးဆယ်ထားသည်။ ထို့နောက်ဂျင်း၊ ကြက်သွန်ဖြူနှင့် အနီတို့ထည့်သည်။ ကောက်ညှင်းထည့်ပြီးသံယောင်းမဖြင့် ရွနေအောင်မွှေသည်။ နာနာမွှေ၍ ကောက်ညှင်းကြေစေသည်။ အိုးမကပ်ရန်ရေအနည်းငယ်ထည့်၊ သံယောင်းမဖြင့်အဆက်မပြတ်မွှေပေးသည်။ ကျန်သည့် အုန်းသီး၊ မြေပဲ၊ နှမ်း အစိမ်းတို့ကိုထပ်မံထည့်သည်။ ထို့နောက်ရေထည့်ပြီးငှက်ပျောရွက်များဖြင့်အုပ်၍ အဖုံးအုပ်၍နှပ်ထားသည်။ မီးခဲများကို ဖို ၂ သို့ပို့၍ပြင်ထားသည်။ ကောက်ညှင်းလည်းကျက်ပြီဆိုလျင်ဒယ်အိုးလိုက်မ၍ ဖို ၂ သို့ပြောင်းပြီး တက်ကိုင်နှစ်ဦးထိုးမွှေပေးသည်ကိုအလည်မှ တေ့ဆိုင်ဖျင်မွှေပေးသူတို့ကကြေညက်စေးပိုင်သည်အထိထိုးမွှေပေးရလေတော့သည်။ ဖို ၁တွင်လည်းမီးထပ်ထည့်၍ နောက်ထပ် ၁ ဒယ်ကိုဆက်လက်ပြင်ဆင်တော့သည်။ ဖို ၂ တွင်ကျန်သည့်အဆာပလာများကိုလည်းတဖြည်းဖြည်းချင်းထည့်ပေးခြင်းဖြင့်အလွန်အရသာရှိသောထမနဲ ကိုရရှိလေတော့သည်။   ဤတွင် အဓိကကျသည်မှာ ၁-ရေခန်းမှအထားခံသည်။ ၂-ပစ္စည်းမှာသံယောင်းမ ။ ၃-တက်၂ချောင်းကိုတေ့ဆိုင်ဖျင်မွှေပေးရသူဖြစ်သည်။ အားလုံး‌ရောလိုက်မွှေလိုက် ကြေညက်ပြီဆိုလျင် ထမနဲ ရပေပြီ။