ခေတ်မီပစ္စည်းများနှင့်မိတ်ဆက်ခြင်း အပိုင်း(၄)

ဆောက်လုပ်ရေးဆိုင်ရာပစ္စည်းများစွာရှိသည့်အနက် တွင်မှ ခေတ်မီပြီးလွန်စွာအသုံးဝင်သည့် ပစ္စည်းများကို အလျင်းသင့်သလိုဖေါ်ပြရာတွင် ယခုအပိုင်း (၄) ကို ဆက်လက်ဖေါ်ပြပေးပါသည်။

Wire Clipper (ဝါယာကြိုးနွှင်ကိရိယာ)
ဝါယာကြိုးများ၏အပေါ်ယံအခွံကိုနွှာရန်အတွက်ဖြစ်သည်။ ဝါယာကြိုးအလုံးဆိုက် (Gauge) အလိုက် အပေါက်ငယ်များပါသည်။ အချိန်မကုန်လူမပမ်းဘဲ အလွယ်တကူအသုံးပြုနိုင်သည်။ ဝါယာကြိုးများကိုလည်းအလိုရှိသလိုကိုက်ဖြတ်နိုင်သည့် ကပ်ကျေးပါသည်။

Hammer (တူ)
ပုံတွင်ပြထားသည့်တူမှာမူကား သာမာန်မဟုတ်ဘဲ လိုအပ်သလိုအသုံးပြု၍ရသည်။ သံနုတ်နိုင်ပြီး ပဲကွပ်ကဲ့သို့သုံးရန်တူလုံး၏နောက်တွင်ချွန်ထားသည်။ သံရိုက်မည့်နေရာ၌ သံအဖျားမြဲမြံရန်လက်ဖြင့်ကိုင်၍အရင်ဆုံးရိုက်သွင်းရစမြဲပင်။ သို့သော် ယခုပုံပါတူမှာ  သံထိန်းပါသဖြင့်လက်ဖြင့်ထိန်းရန်မလိုအပ်ပေ။ ထို့ပြင်လက်ကိုင်ကိုအဆင်ပြေချောမွေ့စွာကိုင်နိုင်ရန်ပြုလုပ်ထားသည်။

Plier (ပလာယာ)
ပလာယာသည်မြဲမြံစွာကိုက်ညှပ်ထားနိုင်သည့်နှုတ်သီးပါသည့်ညှပ်တမျိုးဖြစ်သည်။ ပုံစံအမျိုးမျိုးရှိသည်။ အတည့်၊ ၉၀*ဘေးစောင်း၊ နှုတ်သီးချွန်၊ အလုံး၊ အရှည်၊ နှုတ်သီးအတို စသည်ဖြင့်ရှိသည်။ လုပ်ငန်းခွင်အလိုက်အဆင်ပြေသည့်ပုံစံကိုသုံးနိုင်ပေသည်။ ယခုပုံတွင်ပြထားသည့်ပလာယာမှာ ဘေးသို့ ၉၀*စောင်းထားသည့်နှုတ်သီးတိုအမျိုးအစားဖြစ်သည်။ ပစ္စည်းများကိုကိုင်ညှပ်ရန်၊ ဂဟေဆော်ရာတွင်ထိထိမိမိညှပ်နိုင်ရန်နှင့် ကပ်နေသည်များကိုခွာရန်အလွန်အသုံးဝင်သည်။

Builder Mall